NOVO PROXECTO: AS MACI OLIMPIADAS

O luns, cando voltamos do recreo, había unha mensaxe enriba da mesa de Paz. Todos estabamos moi intrigados. A propia Paz, foi a encargada de lela.

 Era unha mensaxe de Macín, o mago mascota da nosa biblioteca. Nela dicíanos que este verán estivo viaxando moito e que nunha destas viaxes parou nun sitio chamado Río de Xaneiro, no Brasil, onde estaban a realizar unha cousa moi estraña chamada "Olimpiadas".

Macín, pedíanos a nosa colaboración, para que nun papel, lle escribíramos o que eran para nós as Olimpiadas porque el non o sabía.

Isto é o que lle repostamos:

Fai clic enriba da imaxe para vela a maior tamaño

Deixaranos Macín outra mensaxe? Estaremos moi atentos.