SAMAÍN 2017

30 novembro 2017

O pasado 31 de Outubro, celebramos a festa do Samaín no cole.

Ollade que requeteguap@s vimos tod@s!

As primeiras horas, fixemos un taller monstruoso de pasta de sal cos nosos compañeiros de sexto de Educación Primaria:


E a continuación, participamos nos distintos obradoiros:

- Túnel de medo:


-  Taller de maquillaxe:


- Curtos terroríficos:


- Xogos de habilidade:

- Xogos informáticos:


Dende aquí queremos darlle as grazas a ANPA pola súa colaboración organizando un ano máis, o obradoiro de Maquillaxe e o do Túnel do Medo.

EN NEGRO CONTRA A VIOLENCIA DE XÉNERO

27 novembro 2017


Como tódolos anos, o Concello de Neda, convidounos ás clases de quinto e sexto de Educación Primaria á Marcha polo bo trato, pero este ano, debido ao mal tempo, suspendeuse o que era a Marcha pero non así os actos conmemorativos deste día.

As dez e media, xuntámonos na Casa da Cultura cos nenos e nenas tamén de quinto e sexto de primaria do colexio de San Isidro e cos alumnos/as de 1º da ESO do instituto Fernando Esquío. Encantounos ver a antigos compañeiros do cole como Martín, David, Lucas, Marta, Iria, Sergio, Manuel,...

Comezaron os de San Isidro lendo uns fermosos poemas, continuaron os do Instituto cun pequeño relato e unhas alegacións en contra do Maltrato e rematamos nós desfollando a margarida que estivemos a preparar estes días na clase.


Aquí podedes ler o que puxemos en cada pétalo:

E aquí o video que fixemos nun dos ensaios:


Ademais, levamos unhas fermosas pancartas que fixemos por equipos en ámbalas dúas clases:






Así de ben traballamos en equipo:


Unha vez rematada a participación dos centros educativos, escoitamos unhas palabras de Ana Rosa Pena Barcia, Concelleira de Servizos Sociais, Igualdade, Facenda e Terceira Idade  e despois do alcalde, Ángel Alvariño Saavedra:


Continuamos cunha solta de globos negros que representaban as mulleres e nen@s mortos durante este ano:


O acto rematou cunha gran chocolatada para tod@s na que no faltou tampouco una rica bola de azucre. Uhmmmmm!


OUTONOS TERRORÍFICOS

07 novembro 2017


Outra das actividades que fixemos polo Samaín, foi participar no I concurso de Outonos Terroríficos convocado polo Equipo de Dinamización da Biblioteca e o Equipo de Dinamización na Lingua Galega.

Estas son as bases do concurso:

E estes os nosos contos:


GÚSTANVOS?

Na páxina web do cole, podedes ver quenes foron os finalistas e finalmente os gañadores de cada curso así como ler os seus contos. Na nosa clase, chegaron a finalistas, os contos de Adrián e de Yago e finalmente o conto gañador foi .... "A maruxaina" de Yago.

NORABOA A TOD@S POLOS CONTOS TAN BONITOS QUE FIXÉCHEDES!

Cada un dos participantes, levou para casa este diploma:

SAMAÍN: A PORTA DA NOSA CLASE

06 novembro 2017

Lembrades os morcegos de origami que vos ensinamos nunha entrada anterior? Pois ben, con eses morcegos e algúns detalliños máis, decoramos a nosa porta de clase:


GÚSTAVOS?

Clicade na imaxe para ver o resto das portas do cole. Son todas unha preciosidade.

EXPERIMENTAMOS: FACEMOS UNHA CROMATOGRAFÍA

27 outubro 2017


En Naturais estamos a estudar e aprender cousas sobre os seres vivos e as plantas. Estes días andamos a voltas coa Fotosíntese e descubrimos que para fabricar o seu alimento, ademais do zume bruto (auga e sales minerais) e de dióxido de carbono, as plantas tamén necesitan a enerxía solar e que a encargada de aborbela para realizar este proceso, é a Clorofila.

Aprendimos que a clorofila é unha substancia de cor verde que teñen as follas responsable da característica cor verde das plantas.

Como non o tiñamos moi claro, decidimos facer una CROMATOGRAFÍA e así extraer e observar a clorofila das plantas.

Queredes saber como o fixemos? Ollade, ollade:


ODAIKO

22 outubro 2017


Este venres, acompañados dos nosos compañeiros e compañeiras de 4º e 6º de Educación Primaria, fomos á Casa da Cultura para ver a actuación do grupo percusionista ODAIKO, "Invención".

Durante preto dunha hora, disfrutamos dunha divertidísima posta en escea e ao mesmo tempo da súa gran actuación como percusionistas con caixóns, caixas chinesas, unha marimba, unha batería feita con cubos de plástico, tubos musicais, as mans, os pés, .... que nos fixeron vibrar nos asentos.

Pasámolo fenomenal.


Tedes que perdoar a calidade das fotos que non é moi boa pero sempre pasa o mesmo coa luz da Casa da Cultura.

Aquí vos deixamos un video promocional do grupo para que vexades que ben o fan e que divertidos son.

MORCEGOS DE ORIGAMI

18 outubro 2017


O vindeiro 31 de outubro, celebraremos no cole a festa do Samaín ou Halloween para os ingleses. Como este ano decidiuse que todas as clases decoraran as súas portas, na clase de Plástica , comezamos facendo estes sinxelos morcegos utilizando a técnica do origami.

A que nos quedaron ben xeitosiños?

Queredes sabes como os fixemos? Aquí vos deixamos o titorial que seguimos para facelos:

CONTAMOS E RECOLLEMOS CONTOS NADOS NO CAMIÑO

12 outubro 2017


O pasado xoves, cinco de outubro, as clases de terceiro, cuarto, quinto e sexto do cole, participamos no programa: "Contamos e recollemos contos nados no camiño", posto en marcha pola Xunta de Galicia co fin de dar a coñecer o Camiño de Santiago aos escolares de toda a Comunidade e tamén convertilos en contadores daquelas narracións e contos que poidan coñecer os seus familiares, ou que existan nos concellos nos que viven. A actividade consistiu e percorrer a pé un tramo do Camiño Inglés representativo do fito Xacobeo, cercano á ubicación do noso centro.

O bus recolleunos no cole e deixounos preto do Albergue de Peregrinos. Dende alí, acompañados polo coñecido contador de historias Inacio Vilariño e de Mariola, percorrimos o Camiño, primeiro ata a Igrexa de Santa María e despois, vendo que non estabamos cansos, continuamos un pouquiño máis polo centro do pobo.

Durante a camiñata, fixemos varias paradas nas que Inacio cantounos e contounos divertidas historias e lendas á vez que nos falaba da importancia do coidado e da conservación das rutas xacobeas e do seu gran valor dende a fauna e a flora ata a toponimia.

Aquí vos deixamos algunhas das imaxes: 

CONTOS NADOS NO CAMIÑO by Slidely Slideshow

MARCAPÁXINAS E ESLOGANS LECTORES

09 outubro 2017


Para os nosos libros da biblioteca de aula, sempre temos uns bonitos páxinas. Este ano, os nosos marcapáxinas son personalizados cen por cen.

Pola parte de diante, teñen escrito o noso nome utilizando a fonte: KG SECOND CHANCES. O deseño é de Catherine Reed do blog THE BROWN BAG TEACHER:


Pero a diferencia dos seus, nós pola parte de atrás en vez de poñer un poema, inventamos un eslogan:











E por suposto, para que non se non estropeasen co uso, plastificámolos.

QUE VÓS PARECEN? GÚSTANVOS?

AS NORMAS DE CLASE

07 outubro 2017


Como todos os anos, unha das primeiras actividades que facemos ao comezar o novo curso, é consensuar entre tod@s cales van a ser as nosas normas de clase comprometéndonos a cumprilas.

Estas son as nosas normas de clase que dixemos cada un de nós:













Para telas sempre presentes e que non se nos olviden, pegámolas na porta da estantería: