FELIZ ANINOVO!!!!

E para que disfrutedes tanto coma nós, deixámosvos o video coa felicitación de Nadal e as campanadas, que puxemos no cole o día 22:

BO NADAL!

Con esta canción queremos desexarvos a todos e a todas un Bo Nadal!!!!!!

BOLAS DE NADAL

 

Ademais das árbores de Nadal que xa vos amosamos nunha entrada anterior, tamén queremos que vexades estas bonitas bolas de purpurina que fixemos:

Que vos parecen?

EXPERIMENTOS MOI ELECTRIFICANTES

1º)PRODUCIMOS ELECTRICIDADE CUNHA PATACA, UNHA MAZÁ E UN LIMÓN.

Cun polímetro, dous cables de cobre (que actúan como ánodo, é dicir carga negativa) e un parafuso (que actúa como cátodo, é dicir carga positiva) , medimos a electricidade que produce unha pataca (0,96 V), unha mazá (0,97 V ) e un limón (0,99 V) comprobando que canto máis ácido é o produto que utilizamos máis electricidade produce.

2º) COMPROBAMOS SE UN COITELO E UNHA REGRA SON MATERIAIS CONDUTORES OU AILLANTES.

Facemos un circuito cunha pila de petaca, unha bombilla e uns cables de cobre. Deixamos un lado aberto para poder comprobar se un coitelo de metal ou unha regra de plástico pechan o circuito e segue circulando a electricidade (material condutor) ou este paso se interrumpe (material illante). Comprobamos que os metais son bos condutores da electricidade e que o plástico é un material illante.

3º) ELECTROLISIS DA AUGA (DESCOMPOSICIÓN DA AUGA EN HIDRÓXENO E OSÍXENO).

Botamos auga doce nun recipiente. A continuación colocamos dúas barras de ferro. Collemos dúas pinzas que unimos por un lado ás barras de ferro e polo outro a unha pila de petaca. Esperamos uns segundos e observamos que non sucede nada porque a auga doce non é condutora da electricidade.

A continuación botamos sal na auga e ... pouco a pouco imos vendo como se forman unhas burbullas:a auga comeza a descompoñerse nos seus compoñentes: hidróxeno e osíxeno porque a auga salgada si é condutora da electricidade.

ÁRBORES DE NADAL

Este ano, o terceiro ciclo do cole, decoramos as nosas portas cunha xigante árbore de Nadal e unha gran bóla:

  

Porta de sexto

                          Porta de quinto

E para adornar o corredor do colexio, os de sexto fixemos uns bonitos colgantes de fieltro en forma de árbore que colgamos xunto aos bonecos de neve dos nosos compañeiros e compañeiras de quinto. Gústanvos?

ELECTRICIDADE E MAGNETISMO

Tarxetas para repasar os contidos fundamentais deste tema:

Conjunto de Fichas creado con GoConqr por Ana Martínez

Tamén podedes repasar xogando con estes xogos que preparei para vos con WordWall:

 - O concurso das cargas eléctricas:

 

 

 - O aplastatoupas dos materiais conductores:

 

 

 

 - A sopa de letras dos materiais aillantes :

 

  - Unir os compoñentes dun circuíto eléctrico coa súa función:

 

A ELECTRICIDADE ESTÁTICA

En ciencias naturais andamos a voltas co tema da electricidade e o magnetismo. A profe mandounos facer uns sinxelos experimentos na casa cun bolígrafo e cun globo e colocámolos todos nun PADLET (muro virtual).

Se queredes ver como o fixemos facede clic na imaxe

ou utilizade este código QR:

CARAPUCHIÑA VERMELLA CON PICTOGRAMAS

Polo día da discapacidade o equipo de dinamización da biblioteca, propúxonos a todo o centro, escoller un conto e facer un audioconto no caso dos máis pequerrechos ou un conto con pictogramas os máis maiores.

Nós escollimos o tradicional conto de Carapuchiña Vermella. E coa axuda do Pictotraductor, as imaxes do blog Bonitooh e as nosas voces, montamos este conto que esperamos que vos guste tanto como a nós.

   

Ollade que ben utilizamos o Pictotraductor:

Se queredes ver os contos que fixeron as outras clases só tedes que visitar o blogue da biblioteca:

BILIOMACI

PLANTAMOS CEBOLAS E GRELOS

Despois de preparar os bancais tal e como vos amosamos nunha entrada anterior, plantamos cebolas e sementamos grelos neles.

  

Para plantar as cebolas  fixemos uns regos o máis rectos posibles e despois enterramos as nosas cebolas neles:

A continuación, sementamos os grelos:

Ollade canto medraron xa!!!!!!

NAVEGANDO POLA IGUALDADE

Imaxe de Leandro Lamas

Hoxe, Día Internacional contra a Violencia de Xénero, os nenos e nenas de quinto e sexto (cada curso na súa aula) vimos o video "SIRA e a illa, Como mudar o mundo cunha barquiña de papel" unha narración poética de Palmira Castro desde o seu proxecto mimadriña que fomenta a igualdade e a xustiza entre mulleres e homes e entre todos os pobos.

Este video que estivo en aberto do 9 ao 25 de novembro na páxina Defronte.gal. conta a historia dunha nena que sempre tivo claro que quería facer, ser e sentir por ela mesma.

No video Sira soltaba barquiños de papel no mar. Nós tamén fixemos uns fermosos barquiños de papel nos que escribimos palabras bonitas como respecto, amor, amizade, confianza, ... E todos estes barquiños pegámolos en dous barquiños máis grandes que puxemos na entrada do noso colexio.

PREPARANDO OS NOSOS BANCAIS

Hoxe fomos ao invernadoiro para preparar os nosos bancais. Cunhas pequenas pas, movimos a terra:

 

A continuación regámola:

Desinfectamos todo o que usamos:

E despois de quitar e gardar as botas, deixamos o chan ben limpiño:

ERASMUS IN SCHOOLS

Este luns, grazas a asociación ESN Oviedo,  disfrutamos doutra charla virtual neste caso con tres estudantes de Erasmus, dous franceses e un exipcio.

Durante preto dunha hora puidemos coñecer a opinión que teñen do noso país e tamén  descubrir cousas interesantísimas sobre os seus.

Foi unha gran experiencia da que aprendimos todos xa que a eles serviulles para practicar o español e a nós para practicar o inglés. 

Moitas grazas a Thomas, Ambroise e Guirguis Zaki pola súa participación así como a Beatriz e Miriam por organizar o evento.

E por suposto grazas á profe de inglés Uxía por facer de intérprete durante a videochamada.

COMPOSTAXE DOMÉSTICA

Hoxe todo o cole , por cursos, participamos nunha pequena charla sobre compostaxe doméstica. Aprendimos como facer un composteiro, que debemos botar nel, que debemos facer se está moi seco ou moi mollado, ...

Estivemos moi atentos xa que en nada comezaremos a traballar nas nosas parcelas do invernadoiro e o compost axudaranos a que a nosa colleita medre en boas condicións.

CINENSINO: O PARQUE MÁXICO

O luns despois do recreo, visitounos a Pedagoga do Concello de Fene, Mª José, para presentarnos a primeira película do programa Cine e Saúde, que como xa vos contamos en anteriores entradas, é un programa formado por tres películas (unha por trimestre) que combina a proxección de películas nos centros co debate e o traballo arredor do seu contido a través de tres unidades didácticas.

Nesta primeira película "O parque máxico" trabállanse os valores da amizade, a xenerosidade e a valentía. A película ensínanos que non nos debemos deixar vencer polos medos que o importante é nunca darnos por vencido para conseguir os nosos soños.

PASAPALABRA: ESPAÑA NA IDADE CONTEMPORÁNEA

Repasamos a primeira parte da Idade Contemporánea con este pasapalabra que creei utilizando GENMAGIC

E cos recursos desta entrada onde temos fichas para repasar feitas con Goconqr, unha liña do tempo feita con Genially , un test feito con Quizziz e os recursos do noso Google Sites de CCSS:

REPASANDO A IDADE CONTEMPORÁNEA