DECORAMOS A CLASE PARA O SAMAÍN

 Ademais de decorar o cole tamén decoramos a nosa clase. Así de terrorífica nos quedou:

CESTIÑOS PARA SAMAGOSTÍN

 

Utilizamos pratos de cartón para facer os nosos cestiños para as castañas. Que vos parecen?

PRIMEIRA CARTA DO MAGO MACÍN

Cando hoxe chegamos a clase, enriba da mesa de Manuel estaba a caixa do Mago Macín a mascota da nosa biblio.

Manuel abriuna e amosounos o que tiña: unha carta. Na carta Macín dicíanos que hai uns días fora o día das bibliotecas escolares co lema "Unha biblioteca escolar en viñetas" e que como sabía que en Educación Física estivéramos facendo unhas probas e conseguíramos facer o puzzle da portada dun libro de banda deseñada , nos pedía que metéramos dentro da caixa o puzzle  para que dentro duns días e con axuda da súa maxia , ese puzzle se convertise nun libro de verdade.

Así que dito e feito, metimos o puzzle na caixa e ... A ESPERAR A VER QUE PASA.

 

No marco da iniciativa "Ler conta moito" da Rede de bibliotecas públicas de Galicia, esta semana o concello de Neda activou o programa "Do cole á biblio" unha iniciativa que contou cun total de tres espectáculos de animación á lectura que tiveron lugar na Casa da Cultura.

A nós tocounos o espectáculo "Unha maxia diferente" a cargo do Mago Paco. Nel, a través de distintas historia e xogos de maxia, póñense de manifesto as diferencias humanas e trabállase a igualdade desde un punto de vista divertido e ilusionante e sen perder o transfondo educativo, tal e como di na súa páxina.

Pasámolo fenomenal

A CÉLULA VEXETAL

 

Hai uns días empezamos en CCNN co tema das plantas. O primeiro que aprendimos é que as plantas son seres pluricelulares formados por células vexetais.

Para aprender as súas partes, coloreamos unha célula vexetal e grazas a aplicación QUIVER que temos instalada na tablet da clase, puidemos ver a nosa célula en 3D:

GATOS MONSTRUOSOS

 Como estamos preto do Samagostín (unha mestura de Magosto e Samaín que celebramos no cole), para decorar o centro, tocounos facer uns gatos monstruosos utilizando pratos de papel.

O primeiro que fixemos foi pintar os pratos con témpera negra:

E unha vez que secaron, cortamos o interior do prato para facer a cabeza e rematámolos poñéndolles ollos, orellas, bigotes e como non unha gran cola.

Así nos quedaron:

E así lucen polos corredores xunto coas outras manualidades dos nosos compañeiros e compañeiras:

O UNIVERSO

 Entre as moitas actividades que fixemos para aprender cousiñas sobre o Universo , a Terra, a Lúa e as eclipses algunhas das que máis nos gustaron foron:

- O calendario para saber cal será a fase da Lúa calquera día nos próximos 20 anos que atopamos na páxina de DIVERMATES:

- E a maqueta para entender as eclipses solares e lunares: