DÍA DO LIBRO CON LECTURAS COMPARTIDAS

Fonte da imaxe

Rematamos as actividades do mes do libro, facendo "lecturas compartidas" no patio do recreo durante a hora de ler.

A nós, tocounos compartir lecturas cos nosos compañeir@s de cuarto de primaria.

MOI FELICES LECTURAS PARA TOD@S!

VOLTAMOS AO HORTO

 Unha vez máis, visitounos Pablo para seguir a poñer en marcha o  horto escolar.

Repartidos en grupos, fixemos as seguintes tarefas:

- Preparar os aspersores, para facilitar o rego dos nosos bancais:

- Calcular a porcentaxe de fertilizante ecolóxico necesario para alimentar as follas (produto verde, 5% de 2 litros) e rexenerar o chan e formar os agregados (mestura do produto verde e do laranxa, 1% de cada un para 5 litros de auga) para preparar as mesturas remexendo con coidado.

- Seguir construíndo os hoteis para insectos: transportamos follas e ramas, plantamos e regamos coa mestura de fertilizantes que fixemos.

Isto xa vai tomando forma!

ÉRIKA ESMORÍS: ERÍN E O LOBO

 Hoxe coñecimos en persoa, á escritora Érika Esmorís, cuio libro, "Erín e o lobo" (Premio Merlín, 2025) limos no Club de Lectura. Érika rompeu o xeo cun xogo de verdade ou mentira sobre diversos acontecementos da súa vida. Despois, contounos o proceso de escritura da súa obra e falounos dos personaxes nos que se inspirou, dos valores que quixo transmitir con ela, ... e para rematar, asinounos o seu libro.

MOITAS GRAZAS POLA TÚA VISITA, ÉRIKA!

MAÑANA DE CINE: SUPER MARIO GALAXY

 Sabedes que? Grazas á ANPA, todo o cole, desde Educación Infantil ata 6º de E.P. fomos ao cine a ver a película: SUPER MARIO GALAXY.

Ollade o tráiler oficial da película:

Gustounos un montón!

ANXO FARIÑA: A ESCOLA ROBOT

 Hoxe, recibimos a visita do escritor e tamén ilustrador, Anxo Fariña, que veu a falarnos do seu libro "A escola robot" de Edicións Xerais. Durante a sesión, Anxo explicounos e amosounos os bocetos iniciais das súas ilustracións para a obra e explicounos en que se inspirou para escribila. Foi unha visita moi entretida e sobre todo moi ilustrativa, que rematou coa ilustración en directo, da nosa compañeira Candela.

MOITAS GRAZAS POLA VISITA, ANXO!

VISITA DO CITEEC

 

A técnica de laboratorio no Centro de Innovación Tecnolóxica en Edificación e Enxeñería Civil da UDC, Paula Romero, veciña de Neda e tres dos seus compañeir@s viñeron ao cole a ensinarnos como é o seu traballo a través de distintos obradoiros:

- ENSAIO DE MATERIAIS: Cunha maqueta que permitiunos facer réplicas do funcionamento da torre de caída para impacto.

 - CELOSÍAS ESTRUTURAIS: Para analizar esforzos de tracción e compresión en pontes ou cubertas:

- CANAL DE OLEAXE: Para simular correntes e olas e ver como afectan a infraestruturas como presas, diques ou portos.

- DINÁMICA DE ESTRUTURAS: a través de mesas sísmicas que permiten simular terremotos para estudar como afectan os seismos a diferentes tipos de estruturas.

MOITAS GRAZAS A TOD@S POR VIR. PASÁMOLO FENOMENAL E AO MESMO TEMPO APRENDEMOS MOITÍSIMO.

FELICES PASCUAS!

 Rematamos o segundo trimestre, facendo na clase de plástica, estas galiñas de Pascua que atopamos na páxina de KROKOTAK.

Quedáronnos moi bonitas, non si?

DISFRUTADE DUNHAS MERECIDÍSIMAS VACACIÓNS!

CALDO DE GLORIA

Un ano máis, celebramos no cole o aniversario de Rosalía de Castro, este ano facendo un "Caldo de Gloria", sumándonos así, a iniciativa promovida pola Fundación Rosalía de Castro inspirada no poema "Miña casiña, meu lar" de Follas Novas. Neste poema, Rosalía, usa a idea de facer un caldiño para contar como vivía a xente humilde: con poucas cousas, pero intentando seguir adiante cada día. 

Despois do recreo, na Hora de Ler, xunto cos nosos compañeir@s de sexto de primaria, repartidos en grupos, pasamos por todas as clases para recitar o poema e a continuación, convidalos a probar o noso saboroso "Caldo de Gloria".

FELIZ DÍA DE ROSALÍA!

PAPIROFLEXIA CON ANTÓN CORTIZAS

Hoxe, despois do recreo, na Biblioteca, xunto cos nosos compañeir@s de sexto, fixemos un obradoiro de papiroflexia con Antón Cortizas.

Durante o obradoiro, aprendemos a elaborar:

- Un BICO DO GALO con adiviñas.

- Un VASO DE PAPEL cunha pelotiña.

- E tamén unha "CURUXA" feita con bugallos que tivemos que furar e despois baleirar.

Moitas grazas pola visita, Antón!

CELEBRAMOS O ENTROIDO

 E por fin hoxe celebramos a festa do Entroido. Ollade que guapísim@s estabamos tod@s:

FELIZ ENTROIDO!

FACEMOS O DISFRAZ

 Este ano, todo o cole imos ir disfrazados de XOGOS DE MESA. Nós escollimos as CARTAS DE PÓQUER.

Así que estas semanas estivemos: medindo, facendo moldes, recortando, forrando o pau ...

Traballamos moitísimo pero quedounos moi ben, non credes?

PLANTAMOS

 En Ciencias da Natureza estamos co tema das plantas. Así que hai uns días decidimos plantar unhas lentellas para ver o proceso de xerminación e os coidados que necesitan ter as plantas:

Colocámolas nas ventás de clase:

E así van medrando:

A plantilla na que pegamos as bolsas plásticas son de: goproferecursos. Moitas grazas por compartila.

XOGOS POLA PAZ

 Hoxe é o Día Escolar da Paz e a Non Violencia, e no cole decidimos que a mellor forma de celebralo ademais do abecedario da paz que xa vos amosamos, era xogar a xogos do mesa cos nosos afillad@s.

Nós eleximos o xogo do Dobble para ensinarlles a xogar aos nosos afillad@s de terceiro de primaria. E despois foron eles os que nos ensinaron a xogar a distintos xogos que tiñan na clase ou trouxeran de casa.

Que ben o pasamos!

METEREÓLOGOS POR UN DÍA

 

Sabedes que? En Ciencias Sociais estamos a aprender moitas cousas sobre o tempo e o clima así como os elementos que os determinan.

Para coñecer mellor o traballo dos metereólogos e os instrumentos cos que se miden os elementos do clima, decidimos construír unha estación metereolóxica caseira.

- Hugo Casal, Hugo Hermida, Ángel e Ian foron os encargados de fabricar o barómetro para medir a presión:

- Noemi, Julia e Álex, encargáronse do viraventos ou cataventos para medir a dirección do vento:

- Xandre, Matilda, Izan e Martina Gil, fabricaron un anemómetro para medir a velocidade do vento:

- Martín e Roi crearon un termómetro para medir a temperatura:

- Valentina, Keila, Martína Fernández e Celia, fabricaron un higrómetro para medir a humidade:

- E para rematar, Darío, Mateo e Óliver, crearon un pluviómetro para medir as precipitacións:

Agora xa só nos falta probala. Funcionará?