UNIDADES DE RELEVO

05 outubro 2019

No primeiro tema de Ciencias Sociais aprendimos as principais unidades de relevo de España e de Galicia.

Practicamos con mapas e tamén con exercicios tanto online como escritos utilizando os recursos do noso sites:


E finalmente gravamos este video co aprendido:

RESPONSABLE DA SEMANA

22 setembro 2019

A diferencia doutros anos onde cada día tiñamos un encargado que se ocupaba de repartir o material, este ano temos o RESPONSABLE DA SEMANA. Este responsable é o primeiro en entrar cada día e o último en saír. Entre as súas tarefas atópase: abrir e pechar a porta, acender e apagar as luces, poñer a data, repartir o material, ...

Cada un de nós decorou un carteliño co seu nome para poñer no armario e saber así a quen lle toca de cada vez:



Estes son os carteles que decoramos cos nosos nomes:

Idea vista no blogue Con tus propias palabras

EQUIPOS COOPERATIVOS

19 setembro 2019

Durante este curso imos traballar con equipos cooperativos de catro membros. O primeiro día, cada equipo elexiu un nome e un logo que o identificara utilizando a estrutura 1,2,4. Primeiro individualmente cada un pensou un nome e debuxou un logo. A continuación por parellas escolleron un dos dous nomes e logo. Finalmente os catro integrantes do equipo puxeron en común as decisións de cada parella  e elexiron nome e logotipo. O nome e o logo elexidos utilizaranse para identificar a carpeta do equipo base. Nesta carpeta gardaranse todos os documentos e material que se vaia acumulando.

Presentámosvos aos dous equipos:

- OS GAÑADORES DO FORTNITE:


E o seu logo:


- OS NIKE:


E o seu logo:

OS NOSOS MARCAPÁXINAS

17 setembro 2019

Coma todos os anos, unha das primeiras actividades que facemos, é facer uns marcapáxinas para utilizar cos libros que temos na biblioteca de aula. Este ano fixémolos de animaliños.

Así de bonitos nos quedaron tanto aos de quinto como aos de sexto:




Gústanvos?

NOVA PROMOCIÓN

15 setembro 2019

Abrímosvos as fiestras da nosa clase para amosaros á nova promoción de quinto de primaria: oito rapaces e rapazas moi animados e con moitas ganas de aprender. Non si?


NOVO CURSO ESCOLAR

11 setembro 2019


Benvid@s ao novo curso escolar 2019/2020!

GRADUACIÓN E DESPEDIDA

30 xuño 2019


O 5 de xuño fixemos a cerimonia de Graduación. Estabamos todos moi nerviosos e alegres e tristes á vez. Uns días antes entre todos escribimos unha carta de agradecemento para todos os mestres e mestras que tivemos durante estes anos tanto en infantil como en primaria.Mentras a líamos a algúns caeunos máis dunha mágoa pola emoción incluída a profe que estaba tan ou máis nerviosa ca nós. 


A profe púxonos unha bonita presentación cunha foto actual e outra de cando eramos pequenos. Hai que ver como medramos!!!!!! E deunos unha orla e un diploma acreditativo do noso paso polo cole:


Foi unha cerimonia moi emocionante. E con moita mágoa témosvos que dicir ... ATA PRONTO, NON NOS OLVIDEDES!!!!


Por suposto que non vos olvidaremos e os botaremos moito de menos,  eu a primeira. Grazas por estes tres anos nos que compartimos tantísimas aventuras. Deséxovos moi boa sorte nesta nova etapa que comezades e que sempre teñades esas gañas de aprender e boa disposición que sempre me amosáchedes.
 Seguide así rapaces e rapazas e vos irá moi ben.

Unha grandísima aperta!!!!!!

O TALLER DE LEANDRO LAMAS

18 xuño 2019


A derradeira actividade que fixemos no noso proxecto de arte que como xa sabedes centramos en Leandro Lamas, foi visitar o seu taller que está preto do noso colexio.

Así que sen dubidalo, saímos do cole e paseniño a paseniño chegamos ao seu taller:


Alí estábanos esperando Leandro quen moi amable amosounos o seu taller:


Para agradecerlle que nos deixase ir ata o seu taller , agasallámoslle coas acuarelas que fixemos:


MOITAS GRAZAS LEANDRO POR DEIXARNOS VER O TEU TALLER!!!!!!!

CIRCUITOS ELÉCTRICOS

16 xuño 2019


Aprendemos os circuitos eléctricos en serie e en paralelo facendo estas creativas tarxetas con cinta adhesiva de cobre, pilas de botón e uns leds:














PANCAS E POLEAS CON KITS DE LEGO

12 xuño 2019


No derradeiro tema de Ciencias Naturais estudamos os tipos de pancas e as poleas e que mellor forma de entelo que facendo distintos tipos de pancas cos kits de Lego que nos mandou a Xunta, non credes:





ACUARELAS DE LEANDRO LAMAS

05 xuño 2019


Dentro do proxecto de arte que estamos levando a cabo no centro e na nosa clase, unha das actividades que fixemos foi recrear unhas acuarelas de Leandro Lamas. Ollade que ben nos quedaron:



GÚSTANVOS?

FERIA STEAM

10 maio 2019


Onte, xunto cos nosos compañeiros de quinto, fomos á Cidade da Cultura en Santiago de Compostela para visitar a Feira Steam. Disfrutamos moito co taller de robótica, as gafas 3D, o brazo mecánico,..



Tras visitar a Feira, fixemos un percorrido polo casco antigo de Santiago no tren turístico.


CORRELINGUA

09 maio 2019

Foto do Concello de Narón

Hoxe todo o cole fomos ao Auditorio de Narón onde se celebrou o Correlingua 2019 co lema "O galego é a fórmula".

Como chovía, entramos directamente no auditorio onde a actriz Isabel Risco presentou o acto. Alí, escoitamos ao alumnado do CEIP de Centieiras de Fene lendo o manifesto, vimos os videos gañadores da edición deste ano e disfrutamos da actuación de Paco Nogueiras.

FERRAMENTAS 2.0: PLICKERS

06 maio 2019


Na clase estamos probando unha nova ferramenta: PLICKERS. Trátase dunha ferramenta gratuita (pódese utilizar tanto con Android como con Iphone) que permite realizar tests e preguntas dun xeito sinxelo, dinámico e atractivo e obter en tempo real as respostas vendo quen contestou ben e quen non.


Para responder ás preguntas plantexadas (no noso caso do tema da materia de CCNN), cada un de nós tivemos que usar unha tarxeta cun código especial. Segundo a resposta que queriamos dar: A, B,C ou D, tiñamos que xirar a tarxeta dun xeito ou outro e levantala. 


Despois, a profe co seu móbil entraba na aplicación, enfocaba as nosas tarxetas e ao momento xa podíamos ver no encerado dixital quen acertaba e quen non. Gustounos moito utilizala. Así é moi divertido repasar.