FELIZ 2016!!!!!

BO NADAL!!!!!!

TARXETA "CASCADA" DE NADAL

Este ano, para felicitar o Nadal ás nosas familias, todos fixemos a mesma tarxeta, unha tarxeta con "truco".

A profe deunos unhas imaxes de Nadal, e nós tiñamos que escoller as tres que máis nos gustasen porque a cuarta imaxe .... ERA UNHA SORPRESA!

fonte

E a continuación seguindo o titorial que vimos neste  VIDEO do blog  HAZ REGALOS fixemos estas bonitas tarxetas:

Para poder ver todas as fotografías, tan só hai que tirar do laciño e ...

ADORNOS DE NADAL

Este ano, grazas ao noso conserxe Jorge, podemos disfrutar no cole dunha preciosa árbore de Nadal feita de madeira. Para decorala, na nosa clase, fixemos unhas bolas utilizando CDs reciclados e retazos de goma eva.

Así de bonitas nos quedaron:

E así de bonita está a árbore coas nosas bólas e os renos que fixeron os rapaces e rapazas de terceiro:

Un ano máis participamos no concurso de lemas de Nadal que nos propón a Biblioteca, co fin de fomentar o gusto pola lectura non só no Nadal senón todo o ano. Entre todos os lemas, escollerase un por ciclo e con él, farase un calendario que se repartirá a toda a comunidade educativa. Estes son os lemas que fixemos os nenos e nenas de sexto:

Estela:

Sara Montagut:

Sergio Silvén:

Yanira:

Borja:

Manuel:

Sara Fernández:

Sergio Sosa:

Íker:

Laura:

Que vos parecen?

BALONCESTO SOBRE RODAS

Se a semana pasada da man de Paula, empatizabamos coas persoas con discapacidade visual, onte día da Discapacidade, tocoulle o turno ás persoas con mobilidade reducida. Tivemos a gran sorte de contar no colexio con dúas persoas pertencentes á Federación Galega de Deporte Adaptado, que nos ensinaron a xogar ao Baloncesto sobre Rodas.

En primeiro lugar, estivemos observando como eran as cadeiras de rodas, atopando moitas diferencias coas que estamos acostumados a ver: a forma das rodas, o cinto, o respaldo que era moi pequeno, ... Aprendimos que estas diferencias eran para que fosen máis seguras, para que a cadeira poidese xirar sen problema, para coller a pelota, ...

E xa por fin, agrupados de dez en dez, dende segundo ata sexto, todos xogamos un minipartido de dez minutos de duración. Que difícil nos parecía ao principio pero unha vez que lle collimos o "tranquillo" todo foi sobre rodas e nunca mellor dito.

Nestas fotos podédesnos ver xogando:

E para que vexades que non era nada doado, tamén vos amosamos este video que gravamos:

DÍA DA DISCAPACIDADE: A DISCAPACIDADE VISUAL

fonte da imaxe

O vindeiro xoves, 3 de decembro celébrase o Día da Discapacidade. Este día foi proclamado pola Asamblea Xeral das Nacións Unidas co propósito de fomentar unha maior integración na sociedade das persoas con discapacidades tanto físicas como económicas ou sociais, intentando desmoronar as barreiras que as arrodean.

Desde o cole, tamén queremos fomentar a integración das persoas con discapacidade e para iso o mellor é coñecer como é o día a día destas persoas, imaxinar como se senten, poñernos no seu lugar. Se o ano pasado fixemos unha xornada de convivencia con algúns alumnos e alumnas do CEE Terra de Ferrol este ano,  contamos coa visita da Paula, unha mestra da ONCE, que cargada coa súa maleta didáctica: "Coñecemos o Braille", veunos a facer un taller de iniciación sobre o mesmo. O obxectivo era que coñecésemos como se desenvolven as persoas con discapacidade visual na súa vida cotiá grazas ao uso do Braille e das novas tecnoloxías adaptadas. Ademais coñecimos materiais  adaptados a este sistema como contos, libros, cartas, xogos de mesa ... incluso poidemos tocar e utilizar unha máquina Perkins.

Comezamos vendo unha presentación de como os nenos e nenas con cegueira ou deficiencia visual se desenvolven nas súas clases:

Despois, Paula amosounos algúns dos materiais que tiña na súa maleta:

E continuamos co taller sobre Braille. Primeiro unhas pequeñas nocións sobre o tema:

E logo, Paula deunos un alfabeto Braille e unha folla escrita neste sistema para que tratásemos de descifrala. Que difícil!!!!!!!!

Menos mal que coa súa axuda, conseguimos descifrala. Ollade que frase máis bonita:

Xa para rematar fixemos uns pequenos experimentos con catro voluntarios. Cos ollos vendados tiñan que averiguar o obxecto, moverse pola clase coa axuda dun "guía", ...

Antes de irse, Paula deixounos a súa maleta no centro durante uns días para que todos nós poidamos ver con calma todos os materiais que ten dentro como ...

Foi unha visita moi instrutiva e interesante. Pero iso non é todo, o vindeiro xoves día 3, teremos outra  interesante visita relacionada coa discapacidade. Xa vos manteremos informados.

CALIGRAMAS CON ADIVIÑAS DE OUTONO

Outra das actividades que fixemos no noso Obradoiro de Escritura Creativa foron uns Caligramas  de outono.

Como xa sabedes, os caligramas son poemas visuais no que as palabras "debuxan" ou conforman un personaxe, un animal, un paisaxe ou calquera obxecto imaxinable.

Pois ben, nós en vez de facelos con poemas, fixémolos con ADIVIÑAS DE OUTONO, "debuxando" coas letras a solución da adiviña.

Así quedaron os nosos CALIGRAMAS:

CONCURSO SOLIDARIO "QUE TEÑAS UN BO DÍA"

Case todo o cole participamos no concurso solidario "Que tengas un buen día" organizado por DIA e a Fundación Theodora. O concurso consistiu en debuxar que é o que fai "que teñamos un bo día", é dicir, o que nos fai felices.

Por cada un dos nosos debuxos, DIA, fará posible que un Doutor Sorriso visite a un neno no hospital. A cadea , propúxose o reto de acadar 1.000 visitas dos "Doutores Sorrisos"aos nenos e nenas hospitalizados e cando o soubemos, todos nós quixemos poñer o noso graíño de area para que isto poda suceder.

Para os que non o saibades, os Doutores Sorriso da Fundación Theodora, traballan a diario para que os máis pequenos non perdan a ilusión. Formados por magos, pallasos ou actores, estes particulares médicos visitan aos nenos dos hospitales para estar con eles, entretelos e ensinarlle que conservar o sorriso é o paso máis importante para poñerse bos.

QUE CHE FAI TER UN BO DÍA? QUE CHE FAI FELIZ?

- ESTELA: estar coa  familia no Nadal:

- SARA F. : recibir a visita do meu padriño que está lonxe polo meu aniversario:

- LAURA: estar coas miñas amigas:

- SARA M. : a música e as amigas.

- YANIRA: a Pascua

- IKER: poder ter un can e un acuario con peces de mascotas.

- BORJA e SERGIO SILVÉN : ver en directo como xogan os nosos equipos de fútbol favoritos.

- MANUEL: Poder ter un canciño de mascota.

- SERGIO SOSA: Xogar ao fútbol cos meus amigos.

Como podedes observar todos o teñen moi clariño.

  E a vós, que vos fai ser felices?

MANS POLA IGUALDADE

Hoxe celébrase en todo o mundo o Día Internacional contra a Violencia Xénero. Nós, non quixemos ser menos e sumámonos a esta iniciativa.

Ao longo da semana pasada fixemos o mural que podedes ver máis arriba para pedir pola igualdade e pola desaparación do maltrato tanto físico como psicolóxico hacia as mulleres.

E hoxe, súmamonos, invitados polo Concello de Neda, xunto cos nenos e nenas do Instituto Fernando Esquío e o CEIP de San Isidro, á MARCHA POLO BO TRATO, que saiu do Albergue de Pelegríns e foi por todo o paseo marítimo ata chegar ao Concello. Unha vez alí, os rapaces e rapazas dos outros centros, leron os seus manifestos contra a Violencia de Xénero así como o Alcalde e outro persoal do Concello, e nós representamos o acto que tiñamos preparado: "MANS" baseado no álbum ilustrado de Xabier Docampo, que coñecimos grazas a Belén Junquera e ao cole de FRIANS-TEIS.

Para que vexades que ben nos saiu, vos deixamos este video que fixemos nun dos ensaios:

E tamén estas fotos da xornada:

Ao final houbo unha solta de globos violetas que simbolizaban cada unha das vítimas por mor dos malos tratos:

MAGOSTO E DÍA DO PEÓN

Como xa vos contamos nunha entrada anterior na que vos amosabamos os nosos cestiños, o día 13 deste mes celebramos  a festa do Magosto. Gracias a ANPA, poidemos disfrutar non só de riquísimas castañas asadas polo profe Antonio, senón tamén de boísimos bocadillos de chourizo con delicioso pan de Neda.

Aquí vos deixamos algunhas das fotos da xornada:

E tamén celebramos o día do Peón. Todos os nenos e nenas que quixeron, trouxeron da súa casa un peón para bailar ese día:

COÑECES OS TEUS DEREITOS?

fonte da imaxe

Como mañá celébrase o Día Internacional dos Dereitos da Infancia, ao longo desta semana estivemos a traballar os nosos dereitos.

Sabedes cales son? Ollade este video:

Nós, repártimosnos dez dos dereitos que cada neno e nena deberían ter e os ilustramos. Mirade que ben o fixemos:

Agora estas fotos están no corredor do noso cole xunto aos demais traballos dos outros nenos e nenas do cole.