FESTA FIN DE CURSO
O derradeiro día de colexio, disfrutamos dunha xornada de xogos organizada pola ANPA. Na galería de fotos da páxina Web do Centro podedes ver todas as fotos:
Amosando publicacións coa etiqueta CURSO 2017/18. Amosar todas as publicacións
Amosando publicacións coa etiqueta CURSO 2017/18. Amosar todas as publicacións
O derradeiro día de colexio, disfrutamos dunha xornada de xogos organizada pola ANPA. Na galería de fotos da páxina Web do Centro podedes ver todas as fotos:
III CARREIRA ESCOLAR CONCELLO DE NEDA
O pasado sábado 23 de xuño, tivo lugar no noso centro a III Carreira Escolar organizada polo Concello de Neda na que participaron alumnado non só do Concello de Neda senón tamén doutros centros como o Ponte de Xubia e a Jorge Juan.
Podedes ver todas as fotos da xornada, na páxina web do cole:
MEDALLAS SHUTTERBALL
Despois dunha reñida competición, a clasificación quedou así:
- Primeiras clasificadas: Inés e Laura de 6º de EP
- Segundos clasificados: Martín e David, tamén de 6º de EP
- E terceiros clasificados: Miguel e Carmen de 5º de EP.
NORABOA A TOD@S!
SOMOS BUXAINA DE OUROOOOOO!
Este sábado, tivo lugar en MediaLAB Prado, en Madrid, a cerimonia de entrega dos XII Premios Espiral Edublogs nos que nos presentabamos na categoría de Alumnos de Primaria que Constrúen. A miña sorpresa foi inmensa cando vin que non gañábamos a buxaina de bronce nin a de prata senón que o noso blog era merecedor da BUXAINA DE OUROOOOOOO!
E como non podía ser menos, asi se guap@s nos tedes a todos posando coa nosa buxaina:
SAÍDA AO PORTO DE MUGARDOS E Á PRAIA DA MAGDALENA
O venres 8, fixemos a saída que tiñamos pendente dentro do proxecto "Ondas de ilusión: Escolas do mar". Primeiro fomos ao porto de Mugardos e a continuación á praia da Magdalena en Cabañas para facer unha limpeza da mesma.
Como podedes ver na foto, fixemos un gran traballo, non si?
OS NOSOS CÓMICS DE Mº VICTORIA MORENO
Imaxe montada a partir doutras atopadas na rede
Como xa vos informabamos nunha entrada anterior, este ano o día das Letras Galegas estivo adicado á escritora Mª Victoria Moreno.
Na clase, estivemos a facer o caderno do Seminario Galán. e queremos amosarmos dúas das actividades que fixemos:
Por unha banda, os nosos cómics sobre a vida da escritora homenaxeada.
E pola outra, os retratos que lle fixemos. A que nos quedaron moi fermosos, non si?
PRESENTACIÓN DO SACAÚNTOS
Imaxe extraída do blogue da nosa biblioteca: BIBLIOMACI
Primeiro puxémoslles esta presentación que fixemos:
E a continuación, lémoslles o conto que escribimos entre todos a partir da plantilla que nos proporcionou o equipo de Biblioteca:
E así foi como nos quedou este pequeno conto colectivo:
CINENSINO: WONDER
O pasado luns, vimos Wonder, a terceira e última película do programa Cinensino deste curso,unha película moi boa para concienciar aos nen@ sobre o acoso escolar (bullying). Wonder (dirixida por Stephen Chbosky e protagonizada por Julia Roberts, Jacob Tremblay, Owen Wilson, Mandy Patinkin e Millie Davis) nárranos a historia de August, un neno de 10 anos que ten unha deformidade na cara que fai que estude na casa e non vaia normalmente ao colexio. Cando chega o momento de asistir, terá que facer novos amigos, que conseguir que os demais nenos o coñezan tal cal é e sobre todo, terá que aprender a levantar a mirada sen o seu casco de astronauta.Unha fermosa película que vos recomendamos a tod@s.
Aquí vos deixamos o trailer oficial da película:
ONDAS DE ILUSIÓN: "ESCOLAS DO MAR"
Este ano voltamos a participar no proxecto Ondas de Ilusión, que xa vai pola segunda edición. Como nos dín na súa páxina Web, "trátase dun proxecto de sensibilización e divulgación dos valores e dos recursos do mar que constitúe un complemento de alto valor pedagóxico. Nesta segunda edición, preténdese a adquisición de coñecementos e valores que favorezan o respecto e promoción dos recursos ambientais, culturais e socioeconómicos do litoral do Golfo Ártabro norte, facendo especial éngase no tema da sustentabilidade eo valor dos recursos locais".
A campaña, consta dunha sesión divulgativa, unha unidade didáctica para traballar na aula e unha xornada de excursión.
O pasado luns, día 28, tivemos a charla. Da man da Ameixa Tareixa, a mascota do proxecto, descubrimos que clase de animal son as ameixas, onde viven, quen son os seus "amigos" e "inimigos", cales son os problemas que atopa, como é a súa relación coas persoas,como se despraza ...
Tamén falamos dos plásticos e do tempo que tardan en degradarse e das cousas que podiamos facer nós para coidar a Tareixa e os seus amigos como por exemplo non tirar os bastonciños de algodón polo retrete, utilizar menos bolsas de plástico, ... Ollade cantas cousas se poden atopar nunha praia en menos de media hora:
E vimos un fragmento deste documental sobre as mareas:
Iamos ver tamén un video dunha ameixa enterrándose na area pero non foi posible por problemas técnicos co ordenador. Así que busqueino pola rede e ... Aquí o tedes:
3ª CHARLA PLAN DIRECTOR: VIOLENCIA DE XÉNERO E DROGAS
O pasado xoves 24 de maio, tivemos a terceira e última charla do Plan Director para a convivencia e mellora da seguridade escolar.
Comezamos falando da violencia de xénero. Aprendimos que se fala de maltrato cando un home maltrata verbal ou psicolóxicamente a unha muller coa que mantén ou mantivo unha relación sentimental e que se a nosa parella quere influir en quen son os nosos amigos, en como imos vestidos, vixía todo canto facemos, míranos o teléfono móbil, ... iso non é unha mostra de cariño senón todo o contrario. Tamén, que todavía na actualidade hai moitos estereotipos e prexuizos hacia as mulleres, Conversamos sobre o importante que é que dende pequenos, fomentemos a igualdade entre os dous xéneros para evitar así que a violencia de xénero todavía teña cabida.
Ollade que atentos estabamos:
A continuación, tocoulle o turno ás drogas, entre elas o alcol e o tabaco. Foi unha charla moi interesante e ao rematar todos tiñamos moi clariño que ... NON QUERIAMOS SABER NADA DAS DROGAS!!!!!!!! nin das permitidas nin das prohibidas.
Vimos ademais este video onde dun xeito cómico nos fala de 10 drogas que nunca debemos tomar e máis se imos conducindo:
UN MAR DE VIDA PARA A CIDADANÍA
O pasado luns, tivemos no cole unha charla do CEIDA (Centro de extensión universitaria e divulgación ambiental de Galicia). Esta charla tal e coma nos din na súa páxina oficial : forma parte do programa de educación ambiental "Un mar de vida para a cidadanía. biodiversidade e servizos dos ecosistemas do Golfo Ártabro" dirixido aos alumnos e alumnas de 5º e 6º de Educación Primaria dos centros educativos dos concellos que forman parte do Golfo Ártabro co fin de divulgar a biodiversidade da súa contorna máis próxima.
Comezamos vendo unha presentación e uns videos nos que aprendimos que peixes, mamíferos e aves podemos atopar nos ecosistemas tanto de mar como de río que hai no noso Concello ou preto del. Descubrimos paxaros como a Píllara das dunas, o arao (que parece un pengüín), os corvos mariños, a pardela,...e mamíferos como o arroaz e o golfiño. Coñecimos a herba de namorar e tamén unhas covas que se chaman furnas e que eran moi bonitas.
A continuación, fixemos un obradoiro que tiña dúas partes:
Na primeira parte, divididos en catro grandes grupos cun gran mapa do Golfo Ártabro e unhas tarxetas. tivemos que colocar todas as tarxetas no lugar axeitado. Segundo o número de tarxetas acertadas, os monitores dábannos unhas tarxetas grandes nas que estaban escritas cousas boas e malas para os ecosistemas.
Así nos explica Adrián, a historia do seu grupo:
GAÑAMOOOOOOOS!
Hai uns días, comentabámosvos que este ano participabamos unha vez máis no Premio Espiral de Edublogs na categoría de Alumnos de Primaria que constrúen e que quedaramos finalistas.
Pois ben, o pasado luns 14 de maio, coñecéronse os gañadores de cada categoría e ... NÓS SOMOS UNS DELES!
O vindeiro 16 de xuño en Madrid saberemos se gañamos a buxaina de ouro, de prata ou de bronce, pero gañemos cal gañemos, nós xa nos sentimos GAÑADORES.
GRAZAS, ESPIRAL!!!!
CORRELINGUA 2018
O pasado martes15 de maio, todos os nenos e nenas do colexio participamos no Correlingua baixo o lema "A LINGUA NON PARA". Eramos case 1400 alumn@s de distintos centros de Ferrol e da comarca. Debido á chuvia, non puidemos facer a carreira pero si disfrutar das actuacións e da lectura do manifesto gañador dentro do Auditorio de Caranza.
O encargado da presentación foi Cé Orquestra Pantasma:
Primeiro vimos os videos gañadores, un dos alumnos de 5º de primaria do CEIP Ramón Cabanillas de Santiago de Compostela e outro do CPR Seminario Menor A Inmaculada de Ourense:
A continuación, Celtia, Inés e Andrea de 6º de EP e Paz, Sheila e Alba (xunto con Yago que portaba a pancarta que fixemos), subiron ao escenario a ler o manifesto gañador do alumnado de 3º C da ESO do IES Antón Fraguas de Santiago de Compostela:
Imaxes extraídas do Facebook do Correlingua
E léronno así de ben:
E para finalizar, disfrutamos todos un montón coa actuación do músico Pakolas (Paco Cerdeiras). Aquí vos deixamos o seu video de promoción para os que non o coñezades:
LETRAS GALEGAS 2018: Mª VICTORIA MORENO
Hoxe 17 de maio, celebramos en Galicia o Día das Letras Galegas. Cada ano homenaxéase a un escritor ou escritora polos libros que escribiron e pola defensa que fixeron do galego. Este ano, a persoa homenaxeada é Mª Victoria Moreno.
Queredes coñecer a súa biografía?
Pois ningúen mellor que a propia Mª Victoria para que nola conte. Utilizando o programa Crazy Talk 8, as nosas voces e unha imaxe que atopamos en internet, fixemos este video:
A que nos quedou moi ben?
Aquí vos deixamos tamén estes dous videos feitos por Algarabía Animación para a TVG e a Consellería de Cultura sobre a autora homenaxeada:
.
- - Actividades imprimibles sobre a súa biografía e obra:
- Actividades para facer en liña:
Para atopar máis recursos sobre esta gran escritora no dubidedes en visitar a páxina de PRIMAVERA DAS LETRAS:
FELIZ DÍA DAS LETRAS GALEGAS!
QUIZIZZ SOBRE OS VISIGODOS E O AL-ANDALUS
Despois de ver os resultados do test, temos claro que hai que repasar bastante máis, non si?
MARCHA CICLISTA 2018
O único malo da xornada foi o tempo, xa que lles choveu case todo o tempo e tiveron que virse antes sen poder ver a exhibición a cargo da Unidade Canina do Tercio Norte de Infantería de Mariña que comezaba pasadas as doce do mediodía.
Aquí vos deixamos algunhas fotos da xornada:
SOMOS FINALISTAS!!!!
Ao igual que o ano pasado, este ano participamos co blog no Premio Espiral de Edublogs, na categoría de Alumnos de Primaria que contrúen. Este premio, pretende valorar a importancia e repercusión das boas prácticas educativas, apoiadas en ferramentas dixitais, para o desenvolvemento de contidos curriculares e motivación dos alumn@s.
Este luns saíron os finalistas das distintas categorías e sabedes que? Os noso blogue está entre os catro finalistas da nosa.
Como podedes ver, aparte do noso blogue, son finalistas:
MOITA SORTE PARA TOD@S!
OS REINOS XERMANOS E A CONQUISTA MUSULMÁ
E da conquista musulmá e a vida e cultura no Al-Andalus:
Mapa Mental creado con GoConqr por Ana Martínez
Con este que fixemos cada un na súa libreta:
E tamén con estas fichiñas feitas coa mesma ferramenta:
Conjunto de Fichas creado con GoConqr por Ana Martínez
E para comprobar todo cuanto aprendimos o próximo día iremos a informática a facer un QUIZIZZ sobre o tema.
Subscribirse a:
Publicacións (Atom)
_2.jpg)
.png "Google-Translate-Spanish to English")
.jpg)
