0 comments

HOXE CONNOSCO...PAULA CARBALLEIRA


O pasado mes de abril, tivemos a sorte de contar no cole coa visita da escritora, contacontos e tamén actriz, Paula Carballeira.
Comezaron facéndolle esta pequena  entrevista, Sara Fernández e Sara Montagut:

 

Ao rematar, Paula fíxonos disfrutar moito cunha sesión de contacontos. Ollade, ollade, o ben que o pasamos:


E xa para finalizar, asinounos algúns dos seus libros que temos na biblioteca do cole:


MOITÍSIMAS GRAZAS, PAULA, POLA VISITA!!!!!!

2 comments

ASÍ CELEBRAMOS O DÍA DAS LETRAS GALEGAS

Mural feito polos nenos e nenas de primeiro e a súa profe Mari

O pasado xoves pola tarde celebramos o festival das Letras Galegas con  Sergio e Laura  presentando o acto. Ao longo de hora e media de festival, escoitamos a biografía do autor homenaxeado este ano, Xosé Fernando Filgueira Valverde ,  a lectura dalgúns dos seus poemas incluídos na obra "Seis canciones de mar in modo antico" e tamén de poemas doutros grandes escritores da nosa literatura como son Curros Enríquez, Rosalía de Castro, Álvarez Blázquez, Celso Emilio Ferreiro,...
Disfrutamos con distintas cancións e bailes: "Mazarico", "Parapampero" e "Meu o mundo é" e incluso unha muñeira dos máis pequerrechos do cole. Tamén descubrimos a Verdadeira Historia de Carapuchiña Vermella de mans dos nenos e nenas de catro e cinco anos e os máis maiores, fixéronnos rir con dúas divertidas obriñas teatrais: "A consulta do doutor" (a nosa obra, próximamente subiremos o video ) e "Consultas psicolóxicas" (dos nenos e nenas de sexto).
Pasámolo moi ben na compaña dos familiares e amigos que viñeron a disfrutar connosco do festival. Deixámosvos unhas fotiñas:

1 comments

SIMULACRO DE INCENDIO


Hoxe tivemos no noso centro un simulacro de incendio con fume incluido para que fose máis real. Todo comezou cun "incendio" ficticio na aula de informática que rapidamente fixo que todo o centro quedase cuberto de fume:


De forma ordenada todas as clases  saímos polas escaleiras de atrás e fomos á pista deportiva mentras esperabamos que chegase a axuda:




Aos pocos minutos xa escoitamos as sereas da POLICÍA, PROTECCIÓN CIVIL e os BOMBEIROS que unha vez que comprobaron que todo estaba en orde, nos ensinaron o seu camión e algunhas das ferramentas que utilizan no seu traballo:


Foi moi bo que os nenos tivesen esta experiencia xa que pode ser vital ante unha situación real.

0 comments

VAN GOGH E OS TULIPÁNS

A Van Gogh gustáballe moito pintar ao aire libre paisaxes, flores, árbores,...  Entre os cadros que pintou hai un titulado: "CAMPO DE TULIPÁNS", un precioso cadro dos campos holandeses onde o pintor nos amosa un campo cheo de tulipáns amarelos, vermellos, azuis, laranxas, brancos ,...



Precisamente en Holanda, en honor a Van Gogh, no 125 aniversario da súa morte, o parque Keukenhof de Lisse, famoso por poseer o xardín floral máis grande do mundo, creou o rostro do pintor co tulipáns.

Así estaba cando os plantaron:


 E así de bonito está esta primavera:


Nós  tamén quixemos pintar un cadro de tulipáns, así que nos puxemos mans á obra e ... aquí tedes  os nosos tulipáns ao estilo Van Gogh. Ollade como nos están a quedar:



0 comments

O 17 DE MAIO, PRESUME E COMPARTE


Hoxe celebramos un gran día para Galicia como é o día das nosas letras, o Día das Letras Galegas. Cada ano este día se lle adica a un escritor. Este ano o homenaxeado é Xosé Fernando Filgueira Valverde. A súa escolla suscitou gran controversia debido aos cargos públicos e a súa relación coas institucións da ditadura franquista, época na que a nosa lingua o galego sufriu un gran retroceso xa que estivo ausente de todos os usos oficiais e públicos, desaparecendo case calquera manifestación cultural na nosa lingua.


Para coñecer algo da vida deste autor, fixemos unha pequena biografía:


A produtora Algarabía realizou estas tres breves pezas audiovisuais para a Secretaría Xeral de Cultura a partir de textos de Filgueira Valverde:



Ao marxe da controversia (eu persoalmente preferiría que se lle adicase a outro autor como por exemplo Carballo Calero, escritor de aquí de Ferrol), o importante deste día é a defensa do noso idioma así que seguindo unha iniciativa da CGENDL, colaboramos na difusión dunha mensaxe positiva de orgullo lingüístico que vaia máis alá dunha efeméride puntual, espallando o video: "PRESUME DE GALEGO" polas redes sociais para que o 17 de maio non seña a meta senón a liña de saída.


4 comments

MURAL DE PRIMAVERA


Por fin rematamos o mural de primavera que adorna o corredor principal do noso centro.
Empezamos coloreando as letras que atopamos na páxina da MAESTRA MARY:


Para o talo, aproveitamos os tubos de cartón hixiénico e de cociña que gardábamos na nosa clase e para as follas, utilizamos uns globos de cor verde.

A continuación, puxemos unhas bolboretas que como podedes ver, son iguais as que adornan unha das nosas ventás de clase, e xa vos explicamos nunha entrada anterior como se facían:


Tamén fixemos uns bonitos paxariños con folios de cores para colocar nos cristais:

feito por PHOTOMONTAGER

Para facelos, seguimos estas sinxelas instrucións que atopamos pola rede. Non vos podo poñer o enlace porque pon que está bloqueado. Se alguén sabe de quen son as instrucións, que mo diga e poño o enlace:


E por último, fixemos unhas bonitas flores de cores:


E estas son as instrucións para facelas que atopamos AQUÍ:


QUE VOS PARECE O NOSO MURAL DE PRIMAVERA? GÚSTAVOS?

2 comments

MARCHA CICLISTA


A maioría dos nenos e nenas  do noso cole, participamos o pasado venres, xunto co profe Antonio e a profe Lorena, na oitava marcha ciclista escolar, organizada polo equipo de Educación Vial do Concello de Narón en colaboración coa Policía Local, Protección Civil, asociacións de ciclistas, profesorado e as ANPAS de colexios de Narón e Neda.

Despois dun curto percorrido onde fomos xuntándonos con nenos e nenas doutros centros,  reunímónos todos no paseo de Xubia, onde compartimos merenda e un rato de convivencia con preto de 1.200 alumnos e alumnas de colexios da zona como A Solaina, Virxe do Mar, Santiago Apóstol, Ponte de Xuvia, O Feal, A Gándara, Piñeiros, Jorge Juan e Ayala.

PASÁMOLO MOI BEN


Un xogo para aprender a maniobrar as bicis:


Lembrade que a bicicleta ten moitos beneficios:

5 comments

SEGUNDA CHARLA DO PLAN DIRECTOR : ACOSO ESCOLAR E VIOLENCIA DE XÉNERO


O pasado luns, tivemos a segunda charla do Plan Director para a Convivencia e Mellora da Seguridade Escolar. Se a semana pasada, Jesús, o garda civil que veu ao noso centro,falounos dos  riscos de Internet, hoxe tocoulle o turno ao ACOSO ESCOLAR e a VIOLENCIA DE XÉNERO.

Aprendimos que o ACOSO ESCOLAR é calquer tipo de agresión non só física senón tamén verbal e psicolóxica coa intención de facer dano , que é un delito que se atopa contemplado no Código Penal e tamén que é tan culpable o que agrede como o que está de espectador e non fai nada para frear a agresión contándollo a un adulto.


E ademais, que facemos acoso verbal cando insultamos, lle poñemos mote,  humillamos ou inventamos rumores sobre un compañeir@... non só en persoa senón tamén nas redes sociais e no whatsapp. Que este acoso é psicolóxico cando aillamos a un compañeiro, non o deixamos xogar, o apartamos,... Iso non quere dicir que cada vez que rifemos ou nos pelexemos esteamos a   facer acoso, xa que se este feito se produce de xeito aillado ou esporádicamente ainda que terá as súas consecuencias negativas non constitúe acoso. Para falar de acoso, estas situacións téñense que manter no tempo. 
E por suposto, o que tamén quedounos moi clariño, é que nunca debemos responder a unha situación de acoso con violencia, unha porque magnificaremos o asunto é non o arreglaremos e outra porque nos poñeriamos ao mesmo nivel que o acosador. O mellor sempre nestes casos é informar aos nosos pais ou a algún adulto de confianza: familiar, mestre,...

Algúns materiais para traballar o acoso escolar:




En canto á VIOLENCIA DE XÉNERO, Jesús contounos que é cando un home maltrata física, verbal ou psicolóxicamente a unha muller coa que mantén ou mantivo unha relación sentimental. É un tema que xa vén de moi antiguo, xa que dende o principio dos tempos, o papel da muller sempre estivo ligado á casa e ao coidado dos fillos. Afortunadamente na actualidade isto está a cambiar e para acadar este cambio debemos educar aos nenos en nenas, desde edades ben tempranas, á resolución pacífica de conflitos, fomentar a empatía e desenvolver autoestima, principios que favorecen a desaparición dos perxuicios de xénero que se dan xa desde a escola.

Aquí temos un exemplo de maltrato:

2 comments

VENTÁS PRIMAVERAIS

A primavera xa chegou as nosas clases. Así de  bonitas están as nosas ventás coa sinxela pero vistosa decoración:

  • Temos a ventá dos paxariños de cores:
  • E a ventá das bolboretas:

Para facer os paxaros utilizamos cinta negra que pegamos ao cristal con cinta de dobre cara e estas siluetas de paxaros que copiamos e recortamos en papel de seda:



Para as bolboretas, utilizamos folios de cores e limpiapipas e seguimos estas instruccións:


QUE VOS PARECE?

2 comments

CORRELINGUA 2015


Hoxe participamos no Correlingua que é unha carreira simbólica en defensa do galego, a nosa lingua. Este ano celebrouse no Pazo de Cultura de Narón e ademais do noso cole (fomos 1º,2º,4º e 5º de E:P.), había outros 900 escolares de distintos colexios da comarca como: Centieiras, A Solana, Virxe do Mar, Isaac Peral,  Esteiro, Recimil, CRA de Narón, CEE Terra de Ferrol,... por iso iamos todos moi ben equipados cos nosos chalecos identificativos.


Unha vez que chegamos e nos xuntamos todos, comezamos a carreira portando a pancarta que fixemos para a ocasión co lema deste ano: "GALEGO a nosa creación común":


Cando rematou a carreira,  tocoulle o turno aos xogos populares organizados polos alumn@s do Ciclo Superior de Animación de Actividades Físicas e deportivas do CIFP Rodolfo Ucha. Xogamos ao brilé, á corda, aos aros, ao balón asasino, ás carreiras de sacos ,...  . Pasámolo fenomenal.


E por último, entramos dentro do Pazo da Cultura. Alí,  Xurxo Souto, coñecido porque foi líder e vocalista do grupo de rock galego "O Diplomáticos de Monte-Alto" dende 1990 ata o 2001, fixo de mestre de ceremonias. 


Presentounos a obra  do Grupo de Teatro de Narón: "As aventuras da Bichuca Cuca" e tamén a actuación do músico Paco Nogueiras que nos cantou algunhas das cancións incluidas no libro-disco  Brinca Vai como No Samaín,  Rap do Magosto, Apertas que Voan, Meu o mundo é ... Deixámosvos o video promocional da canción "MEU O MUNDO É" que "conta que a nosa lingua non ten límites, que todo é posible en galego:arte, música, teatro, cine, deporte, ciencia... ata explorar o espazo! Que as nosas palabras son fermosas, poderosas e expresan o que sentimos. Que vivamos en Galego e que construamos o noso mundo en galego".



Aquí vos deixamos as fotos para que vexades o ben que o pasamos e canto disfrutamos:

0 comments

PLAN DIRECTOR PARA A CONVIVENCIA E MELLORA DA SEGURIDADE ESCOLAR: RISCOS DE INTERNET


Jesús, un garda civil, veu onte ao colexio para darnos unha charla informativa/formativa sobre os riscos de Internet. Esta charla, a primeira das tres que nos van a dar (as outras dúas sobre outros temas que xa vos contaremos), pertence ao "Plan Director para a convivencia e a mellora da seguridade nos centros educativos e nos seus contornos".

Foi unha charla do máis interesante. Ao longo de preto dunha hora, Jesús falounos dos perigos cos que nos podemos atopar cando usamos Internet (tanto no ordenador como en móbiles e  tablets) para as redes sociais como tuenty, facebook, twitter, instagram, snapchat,... e o whatssap e aconsellounos coñecer ben os programas antes de descargalos nos nosos dispositivos para saber que é o que estamos aceptando e non ter que arrepentirnos no futuro.

Isto non quere dicir  que o uso de Internet sexa malo, ao contrario xa que  ten grandes e moi boas vantaxes, só que debemos utilizar a rede con precaución sobre todo cando subimos información nosa para crear un perfil ou cando compartimos imaxes. 

Estivemos moi atentos para non perder detalle:


E para non olvidar o aprendido, quen mellor que Phineas e Ferb para lembrárnolo:


Ademais na páxina da Xunta temos: "NAVEGA CON RUMBO POLO CIBERESPACIO" "unha iniciativa encamiñada a que @s escolares naveguen con precaución pola Rede evitando o ciberacoso e outros riscos de Internet e se mentalicen da necesidade de facer un uso responsable das novas tecnoloxías para poder espremerlles toda a substancia posible e adquirir boas experiencias e novos coñecementos". Este Plan, inclúe ademais dunha serie de guías dirixidas ao alumnado, ao profesorado e ás familias; un xogos para aprender lendo e xogando.


E xa para rematar deixámosvos unha infografía sobre Boas Prácticas nas Redes Sociais:

Feita con Piktochart

0 comments

REFRANEIRO NO QUIXOTE

Como xa vos contamos nunha entrada anterior, este ano participamos no proxecto colaborativo EL QUIJOTE Y LAS TICS así que na clase montamos un recuncho para poñer nel todos os materiais que temos sobre o mesmo. Comezamos cunha estantería do Quixote que a profe conseguiu dunha amiga súa que ten unha librería. Alí  puxemos un libro que temos da biblioteca: "Mi primer Larousse del Quijote" así como dous cómics, un libro redondo de adiviñas con forma de Sancho Panza e tamén un xogo de memoria cos personaxes do libro. Todavía fáltanos por colocar dous libros que trouxo Sergio da 1ª e 2ª parte do Quixote e tamén un póster que nos trouxo Manuel.

O día do libro, na clase, ademais do programa de radio, estivemos "lendo" entre todos o larousse do Quixote. Falamos dos personaxes que aparecían no libro e descubrimos que a Sancho Panza lle gustaban moitísimo os ditos e os refráns.

Así que seleccionamos uns cuantos refráns , anotamos que personaxe o dicía e averiguamos en que capítulo saía. A continuación, repartímonos os personaxes e cada un anotou os refráns nunha folla xunto co autor e o capítulo. E ademais, cada un de nós debuxou ao seu personaxe.

Xa só nos faltaba poñerlle unha portada, e cando así o fixemos, con todas as nosas follas elaboramos o noso ... LIBRO DE DICHOS Y REFRANES EN EL QUIJOTE. 

Aquí volo deixamos para que vexades que ben nos quedou.Que vos parece?


Presentación feita con flipsnack

0 comments

FELICIDADES MAMÁ!


Esperamos que vos gustasen os colares que con tanto agarimo preparamos para vós.




Por se queredes saber como os fixemos, vos deixamos esta imaxe: