ENTROIDO NA MACIÑEIRA

14 febreiro 2021

Video resumo do Entroido no noso cole:

 

Podedes ver as fotos  na galería da páxina Web:

 ENTROIDO 2021

 Vémonos o 18 de febreiro.

FELIZ ENTROIDO!!!!!!

MANDATOS DO MECO DÍA 5

12 febreiro 2021

 O venres con moita delicia

traerás completo o teu disfraz

de Superheroe e Superheroína.

MANDATOS DO MECO DÍA 4

11 febreiro 2021

 Un cinturón, saia ou pantalón,

o xoves traerás,

para completar o teu disfraz.

MANDATOS DO MECO DÍA 3

10 febreiro 2021

 Se o mércores traes, o teu obxecto protetor,

serás un superheroe e superheroína mellor.

MANDATOS DO MECO DÍA 2

09 febreiro 2021

 O martes, marcado has de traer

na capa ou camiseta do disfraz

o teu símbolo de superpoder.

MANDATOS DO MECO DÍA 1

08 febreiro 2021

 Para a túa identidade ocultar,

un antiface ou algo similar

(perruca, maquillaxe, carouta)

traerás o luns pola mañá.

MANDATOS DO MECO

07 febreiro 2021

Este ano todo o centro a nivel de clases vaise disfraz de superheroes e superheroínas. A mágoa é que por mor do Coronavirus, o MECO da ANPA que nos visitaba cada ano para ver que se cumpríamos os seus mandatos, non nos pode visitar. Ainda así, deixounos os seus mandatos:



MANUALIDADES ENTROIDO

06 febreiro 2021

 

Para decorar o centro para o Entroido aos nenos e nenas de 5º de primaria tocoulles facer antifaces e a nós arlequíns utilizando materiais reciclados.

Ollade que bonito quedou todo:


O TREN DA PAZ

30 xaneiro 2021

 Polo día da Paz, cada clase decorou un vagón para facer un gran tren da paz. Ollade que bonitos quedaron os vagóns!!!!

QUIZZIZ DE AFONSO XIII ATA A DEMOCRACIA

29 xaneiro 2021

Para repasar o tema de Ciencias Sociais da Idade Contempóranea ( séculos XIX e XX) utilizamos este recurso que fixemos con QUIZZIZ:

https://quizizz.com/admin/quiz/6013551c86cbe7001c97c500

FELIZ ANINOVO!!!!

31 decembro 2020


E para que disfrutedes tanto coma nós, deixámosvos o video coa felicitación de Nadal e as campanadas, que puxemos no cole o día 22:

BO NADAL!

25 decembro 2020

Con esta canción queremos desexarvos a todos e a todas un Bo Nadal!!!!!!

BOLAS DE NADAL

20 decembro 2020

 

Ademais das árbores de Nadal que xa vos amosamos nunha entrada anterior, tamén queremos que vexades estas bonitas bolas de purpurina que fixemos:

Que vos parecen?

EXPERIMENTOS MOI ELECTRIFICANTES

16 decembro 2020


1º)PRODUCIMOS ELECTRICIDADE CUNHA PATACA, UNHA MAZÁ E UN LIMÓN.

Cun polímetro, dous cables de cobre (que actúan como ánodo, é dicir carga negativa) e un parafuso (que actúa como cátodo, é dicir carga positiva) , medimos a electricidade que produce unha pataca (0,96 V), unha mazá (0,97 V ) e un limón (0,99 V) comprobando que canto máis ácido é o produto que utilizamos máis electricidade produce.


2º) COMPROBAMOS SE UN COITELO E UNHA REGRA SON MATERIAIS CONDUTORES OU AILLANTES.

Facemos un circuito cunha pila de petaca, unha bombilla e uns cables de cobre. Deixamos un lado aberto para poder comprobar se un coitelo de metal ou unha regra de plástico pechan o circuito e segue circulando a electricidade (material condutor) ou este paso se interrumpe (material illante). Comprobamos que os metais son bos condutores da electricidade e que o plástico é un material illante.


3º) ELECTROLISIS DA AUGA (DESCOMPOSICIÓN DA AUGA EN HIDRÓXENO E OSÍXENO).
Botamos auga doce nun recipiente. A continuación colocamos dúas barras de ferro. Collemos dúas pinzas que unimos por un lado ás barras de ferro e polo outro a unha pila de petaca. Esperamos uns segundos e observamos que non sucede nada porque a auga doce non é condutora da electricidade.
A continuación botamos sal na auga e ... pouco a pouco imos vendo como se forman unhas burbullas:a auga comeza a descompoñerse nos seus compoñentes: hidróxeno e osíxeno porque a auga salgada si é condutora da electricidade.

ÁRBORES DE NADAL

14 decembro 2020

Este ano, o terceiro ciclo do cole, decoramos as nosas portas cunha xigante árbore de Nadal e unha gran bóla:

  
Porta de sexto
                          Porta de quinto

E para adornar o corredor do colexio, os de sexto fixemos uns bonitos colgantes de fieltro en forma de árbore que colgamos xunto aos bonecos de neve dos nosos compañeiros e compañeiras de quinto. Gústanvos?

ELECTRICIDADE E MAGNETISMO

10 decembro 2020

Tarxetas para repasar os contidos fundamentais deste tema:

Conjunto de Fichas creado con GoConqr por Ana Martínez

Tamén podedes repasar xogando con estes xogos que preparei para vos con WordWall:

 - O concurso das cargas eléctricas:

 
 
 - O aplastatoupas dos materiais conductores:
 
 
 
 - A sopa de letras dos materiais aillantes :
 

  - Unir os compoñentes dun circuíto eléctrico coa súa función:

 

A ELECTRICIDADE ESTÁTICA

04 decembro 2020

En ciencias naturais andamos a voltas co tema da electricidade e o magnetismo. A profe mandounos facer uns sinxelos experimentos na casa cun bolígrafo e cun globo e colocámolos todos nun PADLET (muro virtual).

Se queredes ver como o fixemos facede clic na imaxe


ou utilizade este código QR:

CARAPUCHIÑA VERMELLA CON PICTOGRAMAS

03 decembro 2020


Polo día da discapacidade o equipo de dinamización da biblioteca, propúxonos a todo o centro, escoller un conto e facer un audioconto no caso dos máis pequerrechos ou un conto con pictogramas os máis maiores.
Nós escollimos o tradicional conto de Carapuchiña Vermella. E coa axuda do Pictotraductor, as imaxes do blog Bonitooh e as nosas voces, montamos este conto que esperamos que vos guste tanto como a nós.

   

Ollade que ben utilizamos o Pictotraductor:


Se queredes ver os contos que fixeron as outras clases só tedes que visitar o blogue da biblioteca:

BILIOMACI

PLANTAMOS CEBOLAS E GRELOS

30 novembro 2020

Despois de preparar os bancais tal e como vos amosamos nunha entrada anterior, plantamos cebolas e sementamos grelos neles.

  

Para plantar as cebolas  fixemos uns regos o máis rectos posibles e despois enterramos as nosas cebolas neles:

A continuación, sementamos os grelos:


Ollade canto medraron xa!!!!!!

NAVEGANDO POLA IGUALDADE

25 novembro 2020

Imaxe de Leandro Lamas

Hoxe, Día Internacional contra a Violencia de Xénero, os nenos e nenas de quinto e sexto (cada curso na súa aula) vimos o video "SIRA e a illa, Como mudar o mundo cunha barquiña de papel" unha narración poética de Palmira Castro desde o seu proxecto mimadriña que fomenta a igualdade e a xustiza entre mulleres e homes e entre todos os pobos.

Este video que estivo en aberto do 9 ao 25 de novembro na páxina Defronte.gal. conta a historia dunha nena que sempre tivo claro que quería facer, ser e sentir por ela mesma.

No video Sira soltaba barquiños de papel no mar. Nós tamén fixemos uns fermosos barquiños de papel nos que escribimos palabras bonitas como respecto, amor, amizade, confianza, ... E todos estes barquiños pegámolos en dous barquiños máis grandes que puxemos na entrada do noso colexio.



PREPARANDO OS NOSOS BANCAIS

24 novembro 2020

Hoxe fomos ao invernadoiro para preparar os nosos bancais. Cunhas pequenas pas, movimos a terra:

 


A continuación regámola:



Desinfectamos todo o que usamos:



E despois de quitar e gardar as botas, deixamos o chan ben limpiño:

ERASMUS IN SCHOOLS

23 novembro 2020

Este luns, grazas a asociación ESN Oviedo,  disfrutamos doutra charla virtual neste caso con tres estudantes de Erasmus, dous franceses e un exipcio.

Durante preto dunha hora puidemos coñecer a opinión que teñen do noso país e tamén  descubrir cousas interesantísimas sobre os seus.

Foi unha gran experiencia da que aprendimos todos xa que a eles serviulles para practicar o español e a nós para practicar o inglés. 

Moitas grazas a Thomas, Ambroise e Guirguis Zaki pola súa participación así como a Beatriz e Miriam por organizar o evento.








E por suposto grazas á profe de inglés Uxía por facer de intérprete durante a videochamada.