PRESENTACIÓN DO SACAÚNTOS

Imaxe extraída do blogue da nosa biblioteca: BIBLIOMACI

O pasado martes día 29, antes de saír para a nosa excursión de final de curso a Penaventura (Portugal), fomos á clase de terceiro para presentarlles ao personaxe que estivemos a traballar no proxecto de Galicia Máxica: O Sacaúntos.

Primeiro puxémoslles esta presentación que fixemos:

E a continuación, lémoslles o conto que escribimos entre todos a partir da plantilla  que nos proporcionou o equipo de Biblioteca:

E así foi como nos quedou este pequeno conto colectivo:

CELEBRAMOS O ENTROIDO

O pasado venres, celebramos a festa do Entroido no cole. Este ano, como xa vos dixemos, a temática elexida foi seres mitolóxicos galegos por mor do proxecto de GALICIA MÁXICA que estamos a facer todo o centro.

Nós eleximos disfrazarnos de demos. Entre todos fixemos esta pancarta:

 E na clase fixemos os cornos, o rabo, o tridente e coa axuda da profe a túnica:

E así de guapísim@s iamos todos:

 

Na páxina web do colexio podedes ver moitísimas fotos máis deste día:

ENTROIDO 2017

CALENDARIO MITÓLOXICO

Entre todas as clases , un ano máis fixemos, un calendario do novo ano, esta vez baseado nos seres mitolóxios galegos.

A nós tocounos facer dúas páxinas do mesmo: unha coa nosa personaxe "O Sacaúntos" e outra relacionadas coas "Lavandeiras da Noite".

Para que puidésemos participar todos na realización dos mesmos, fixemos dous grupos e volvimos a utilizar a técnica do folio xiratorio. Estes son os nosos debuxos:

E así de bonito quedou o calendario coas aportacións de todos:

OUTONOS TERRORÍFICOS

Outra das actividades que fixemos polo Samaín, foi participar no I concurso de Outonos Terroríficos convocado polo Equipo de Dinamización da Biblioteca e o Equipo de Dinamización na Lingua Galega.

Estas son as bases do concurso:

E estes os nosos contos:

OUTONOS TERRORÍFICOS

GÚSTANVOS?

Na páxina web do cole, podedes ver quenes foron os finalistas e finalmente os gañadores de cada curso así como ler os seus contos. Na nosa clase, chegaron a finalistas, os contos de Adrián e de Yago e finalmente o conto gañador foi .... "A maruxaina" de Yago.

NORABOA A TOD@S POLOS CONTOS TAN BONITOS QUE FIXÉCHEDES!

Cada un dos participantes, levou para casa este diploma:

O SACAÚNTOS

Como xa vos dixemos na entrada anterior, dentro do proxecto: "GALICIA MÁXICA", a nós, tocounos o personaxe do SACAÚNTOS, un personaxe similar ao Home do Saco.

O Sacaúntos, dedícase a sacarlle a graxa aos nenos pequenos ata deixalos nos ósos. Unha vez ten o unto, marcha para o bosque onde o come para volverse forte e vigoroso como os nenos ou véndello ás persoas anciáns para cambiar o seu sangue por outro máis novo.

A segunda petición do Mago Macín para o proxecto, consistiu en debuxar ao Sacaúntos e escribir a nosa adiviña nun gran bocadillo.

Para facer ao Sacaúntos, utilizamos unha vez máis a técnica do FOLIO XIRATORIO, empezou un de nós e cada dous minutos, nos pasabamos o debuxo para continualo. Ollade todo o proceso:

Quedounos xenial. Non credes?

Co bocadillo:

E así de bonito quedou o mural con todos os personaxes.

E o recuncho do proxecto:

NOVO PROXECTO: GALICIA MÁXICA

Este ano, o proxecto xeral de centro, promovido polos Equipos de Dinamización da Biblioteca e da Lingua Galega,  xira en torno á GALICIA MÁXICA e SERES MITÓLOXICOS que habitan nela.

A principios de curso, apareceu una carta enriba da mesa de Ainoa: era do Mago Macín, a mascota da nosa biblioteca.

Nela nos dicía que este ano iamos aprender moitísimas cousas sobre os Seres Mitolóxicos galegos e para empezar e aproveitando o DÍA DAS BIBLIOTECAS ESCOLARES, pedíanos dúas cousas:

1º) Que resolvésemos unas adiviñas para saber que seres mitolóxicos imos a coñecer.

2º) Que entre todos debuxásemos á  personaxe da nosa clase e que escribísemos a adiviña sobre ela para o mural colectivo do proxecto.

Para atopar as adiviñas, a profe fixo unha caza do tesouro por todo o colexio. Primeiro preparou unas tarxetas que tivemos que escanear co seu teléfono móvil e a aplicación I-nigma:

En cada tarxeta, viñan unhas pistas para atopar as adiviñas agoñadas. Estas son as pistas:

E así as buscamos:

Unha vez que atopamos todas, a última estaba na nosa clase, sentámonos e límolas intentando atopar a resposta:

Algunhas foi moi doadas resolvelas pero outras non tanto. Queredes saber a solución? Ollade, ollade:

Grazas a iso, descubrimos que cada unha das clases, ía aprender sobre un personaxe mitolóxico. Os trasnos e o Apalpador en Educación Infantil, os alicornios en 1º, as fadas  en 2º, as xacias e xacios en 3º, as meigas en 4º, o lobishome en 6º e nós, o sacaúntos ou home do saco.

Con isto, cumprimos a primeira petición do Mago Macín pero todavía nos quedaba a segunda, pero esa.... amosarémola na seguinte entrada.