A BANDEIRA DA UNIÓN EUROPEA

 En Ciencias Sociais estamos a estudar a Unión Europea. Unha das moitas actividades que fixemos foi debuxar a súa bandeira e ver como cobraba vida. Para iso, utilizamos unha vez máis a aplicación, Quiver e a súa plantilla gratuita:

Ollade:

OS PAÍSES DA UNIÓN EUROPEA CON QUIVER

Despois de aprender o nome dos  países que forman parte da Unión Europea, a súa localización no mapa  e as datas nas que se incorporaron, hoxe fomos á aula de informática. Alí, repartímonos entre todos os 28 países e buscamos en internet como eran as súas bandeiras e cal era a súa capital.

A continuación, debuxamos cada bandeira e escribimos o nome do país e a súa capital nesta plantilla:

Imaxe de Quivervision.com

Para rematar, coa aplicación QUIVER (coñecida anteriormente como ColAR Mix) que temos instalada na tablet, enfocamos os debuxos e .... nuns segundos as nosas bandeiras pareceron cobrar vida. Ollade, ollade:

Collages feitos en  Collage.es

Esta é aplicación que utilizamos. 

Con todas as bandeiras, faremos un libriño para ter na nosa biblioteca de aula e poder consultalo sempre que queiramos. Xa vos amosaremos como nos queda.

UNIÓN EUROPEA: APRENDEMOS A UTILIZAR TIMELINE

Fonte da imaxe

Estes días, en Ciencias Sociais, estamos descubrindo moitas cousas sobre a Unión Europea. Hoxe aprendimos que dende que Bélxica, Luxemburgo, Países Baixos, Alemaña, Italia e Francia, a fundaron en 1957, na actualidade (mentras Reino Unido non sexa considerado definitivamente fóra) está formada por 28 países.

Grazas a un video e buscando en Internet, averiguamos en que anos se produciron as incorporacións dos distintos países (España foi en 1986). Entre todos, copiamos as datas e os nomes dos países na pizarra para non olvidarnos.

Coa axuda dun mapa de Europa e do que estaba escrito na pizarra, confeccionamos un mapa cos nomes dos países da Unión Europea e coloreamos os países segundo o ano de incorporación:

A continuación, a profe propúxonos facer unha liña do tempo sobre a Historia da Unión Europea, con todas esas datas e ademais o ano 1992 (firma do Tratado de Maastricht) e 2002 (aparición do euro). E así o fixemos.

- En papel individualmente:

- E entre todos (cada un unha data)  no ordenador utilizando a ferramenta TIMELINE:

  Para ser a primeira que faciamos, gústavos como nos quedou?

Ollade que concentrados estabamos:

E para seguir aprendendo e repasando sobre o tema, que mellor que todos os recursos que temos recopilados no noso sites de Ciencias Sociais:

https://sites.google.com/site/sociaismaci5o/tema-5-a-union-europea