GRADUACIÓN E DESPEDIDA

O 5 de xuño fixemos a cerimonia de Graduación. Estabamos todos moi nerviosos e alegres e tristes á vez. Uns días antes entre todos escribimos unha carta de agradecemento para todos os mestres e mestras que tivemos durante estes anos tanto en infantil como en primaria.Mentras a líamos a algúns caeunos máis dunha mágoa pola emoción incluída a profe que estaba tan ou máis nerviosa ca nós. 

A profe púxonos unha bonita presentación cunha foto actual e outra de cando eramos pequenos. Hai que ver como medramos!!!!!! E deunos unha orla e un diploma acreditativo do noso paso polo cole:

Foi unha cerimonia moi emocionante. E con moita mágoa témosvos que dicir ... ATA PRONTO, NON NOS OLVIDEDES!!!!

Por suposto que non vos olvidaremos e os botaremos moito de menos,  eu a primeira. Grazas por estes tres anos nos que compartimos tantísimas aventuras. Deséxovos moi boa sorte nesta nova etapa que comezades e que sempre teñades esas gañas de aprender e boa disposición que sempre me amosáchedes.

 Seguide así rapaces e rapazas e vos irá moi ben.

Unha grandísima aperta!!!!!!

O TALLER DE LEANDRO LAMAS

A derradeira actividade que fixemos no noso proxecto de arte que como xa sabedes centramos en Leandro Lamas, foi visitar o seu taller que está preto do noso colexio.

Así que sen dubidalo, saímos do cole e paseniño a paseniño chegamos ao seu taller:

Alí estábanos esperando Leandro quen moi amable amosounos o seu taller:

Para agradecerlle que nos deixase ir ata o seu taller , agasallámoslle coas acuarelas que fixemos:

MOITAS GRAZAS LEANDRO POR DEIXARNOS VER O TEU TALLER!!!!!!!

CIRCUITOS ELÉCTRICOS

Aprendemos os circuitos eléctricos en serie e en paralelo facendo estas creativas tarxetas con cinta adhesiva de cobre, pilas de botón e uns leds:

PANCAS E POLEAS CON KITS DE LEGO

No derradeiro tema de Ciencias Naturais estudamos os tipos de pancas e as poleas e que mellor forma de entelo que facendo distintos tipos de pancas cos kits de Lego que nos mandou a Xunta, non credes:

ACUARELAS DE LEANDRO LAMAS

Dentro do proxecto de arte que estamos levando a cabo no centro e na nosa clase, unha das actividades que fixemos foi recrear unhas acuarelas de Leandro Lamas. Ollade que ben nos quedaron:

GÚSTANVOS?

FERIA STEAM

Onte, xunto cos nosos compañeiros de quinto, fomos á Cidade da Cultura en Santiago de Compostela para visitar a Feira Steam. Disfrutamos moito co taller de robótica, as gafas 3D, o brazo mecánico,..

Tras visitar a Feira, fixemos un percorrido polo casco antigo de Santiago no tren turístico.

CORRELINGUA

Foto do Concello de Narón

Hoxe todo o cole fomos ao Auditorio de Narón onde se celebrou o Correlingua 2019 co lema "O galego é a fórmula".

Como chovía, entramos directamente no auditorio onde a actriz Isabel Risco presentou o acto. Alí, escoitamos ao alumnado do CEIP de Centieiras de Fene lendo o manifesto, vimos os videos gañadores da edición deste ano e disfrutamos da actuación de Paco Nogueiras.

FERRAMENTAS 2.0: PLICKERS

Na clase estamos probando unha nova ferramenta: PLICKERS. Trátase dunha ferramenta gratuita (pódese utilizar tanto con Android como con Iphone) que permite realizar tests e preguntas dun xeito sinxelo, dinámico e atractivo e obter en tempo real as respostas vendo quen contestou ben e quen non.

Para responder ás preguntas plantexadas (no noso caso do tema da materia de CCNN), cada un de nós tivemos que usar unha tarxeta cun código especial. Segundo a resposta que queriamos dar: A, B,C ou D, tiñamos que xirar a tarxeta dun xeito ou outro e levantala. 

Despois, a profe co seu móbil entraba na aplicación, enfocaba as nosas tarxetas e ao momento xa podíamos ver no encerado dixital quen acertaba e quen non. Gustounos moito utilizala. Así é moi divertido repasar.

SEMANA DO LIBRO II: VIDEOCONFERENCIA CON IRIA MISA

Fonte da imaxe

Outra das actividades que fixemos por mor do día do libro, foi unha videoconferencia por Skype con Iria Misa a autora de "Mamá, quero ser Ziggy Stardust", un dos libros que limos no Club de Lectura. 

Foi moi emocionante poder falar con ela e que nos respondera a todas as nosas preguntas tanto da súa vida como da novela. 

MOITAS GRAZAS, IRIA!!!!!

OS MAIOS

E mentres algúns de nós ían á Marcha Ciclista, o resto do centro fomos a Albarón para participar na elaboración dos maio. Que divertido!

E sabedes que?

Gañamos este trofeo polos nosos maios!!!!!!!

DÍA DA BICI

Hoxe, algúns de nós participamos na XII Marcha Ciclista Escolar organizada polo Concello de Narón en colaboración coas ANPAS de distintos centros de Narón e tamén do noso.

ROBOTIZÁNDONOS

Estes días adicamos algunhas sesións a ensinarlles aos nosos compañeiros e compañeiras de quinto como funcionan e se programan os MBots que temos no cole:

SEMANA DO LIBRO I: APADRIÑAMENTO LECTOR

Durante a semana do libro, os maiores lémoslles aos máis pequerrechos. Disfrutamos moitísimo tanto uns coma outros. Ollade, ollade, ...

Podedes ver as fotos con máis calidade e descargalas na galería da páxina web do cole:

APADRIÑAMENTO LECTOR