A HISTORIA DO NOSO DISFRAZ

 Este ano, imos ir disfrazados do "Prestige" e da plataforma "Nunca Máis". 

O Prestige foi un barco petroleiro que hai 20 anos partiuse en dous fronte as costas de Galicia debido a un temporal. Isto provocou o vertido de preto de 77.000  toneladas de petróleo nas nosas augas o que supuxo un grande desastre ecolóxico.

A marea negra do Prestige, congregou a máis de 65.000 voluntarios de todo o mundo que viñeron a Galicia a axudar a limpar as nosas praias.

Como reacción ante a catástrofe xurdiu a plataforma Nunca Máis para reclamar que Galicia fose declarada "zona catastrófica", limpar o vertido tóxico e que se activasen as axudas económicas.

E esto é o que fixemos para o disfraz:

- O Prestige soltando o petróleo feito cunha caixa de cartón e bolsas recicladas:

- Os buzos de traballo dos voluntarios por diante e por detrás:

- As proteccións feitas con botellas de plástico:

- As ferramentas dos voluntarios para sacar o chapapote feitas con tubos de cartón e botellas de plástico:

- A bandeira da plataforma "Nunca Máis" feita con bolsas recicladas:

- E para rematar un paxaro negro que representa o gran desastre ecolóxico que supuxo este vertido:

Que vos parece o noso disfraz?

DECORACIÓN ENTROIDO

 Para decorar o cole para a festividade do Entroido, aos nenos e nenas de sexto tocounos facer uns polbos xigantes.

Xa que estamos co proxecto de "SOSteño o mundo entre as miñas mans", decidimos facelo utilizando cartón reciclado e tapas de plástico tamén recicladas.

Así é como nos quedaron:

GÚSTANVOS?

MACÍN ESTÁ DE VOLTA

 Cando entramos na clase vimos que pola noite Macín nos visitara outra vez pois a súa caixa estaba enriba dunha mesa.

Santi abriuna e viu que había tres libros e tamén como non, unha carta. 

Na carta Macín, dicíanos que quería deixarnos eses libros que eran novidade na biblioteca. Un xa o coñeciamos, o da Folla Azul porque o limos o ano pasado e incluso nos visitou a súa autora Andrea Maceiras pero os outros dous non: Alma de elefante de tamén Andrea Maceiras e María Casares de María Canosa.

Sen dúbida os leremos durante o tempo de ler ou en calquera outro anaquiño que teñamos libre.

MOITAS GRAZAS MACÍN!

NOVAS DE MACÍN

 

Hai uns días, cando chegamos a clase, atopamos de novo a caixa de Macín.

Esta vez a encargada de abrila foi Mencía. Dentro da caixa tan só había unha carta e un papel moi raro.

Na carta, Macín decíanos que como o 23 de febreiro se celebra o día de Rosalía,  para commemoralo, cada clase debe inventar un poema e escribilo nun papel especial feito con sementes que plantaremos despois todos xuntos.

Así que temos que poñernos mans á obra

A MALETA CLIMÁTICA

O mes pasado chegou a nosa clase esta maleta:

Tod@s nos preguntabamos que habería dentro así que a abrimos e ...

descubrimos que estaba cargadiña de libros relacionados co medio ambiente e o clima, o noso proxecto deste ano.

Así que cada un de nós elexiu uns dos libros e comezamos a lelos:

MARCADORES PARA A BIBLIOTECA

O outro día, cando estabamos na biblioteca, comezamos a facer os marcadores para colocar nas estanterías cando collamos un libro e así saber onde o temos que deixar cando o devolvamos. 

Así que nos puxemos cómodos e comezamos a decoralos. A consigna era que había que decoralos con algo relacionado co proxecto de sostenibilidade deste ano pero ... creo que algúns non o entenderon ben, non credes?

1º NOVAS DE MACÍN: MOCHILA VIAXEIRA

 Lembrádesvos de Macín, a mascota da nosa biblio? Pois ben, onte mentras estabamos na biblioteca tivemos as primeiras novas sobre él. Resulta que enriba dunha mesa estaba a caixa de sexto de primaria de Macín. Quique que estaba cerca dela foi o encargado de abrila e cando o fixo ... o primeiro que atopou foi esta carta:

Na carta dicíanos que dentro da caixa estaba a Mochila Viaxeira.

 

Que ben!

Cando chegamos a clase abrímola para ver que contiña e vimos que había un libro de lectura, un de poemas, un cómic, un divulgativo, un en inglés, un para as familias e este ano a maiores por mor do novo proxecto... UN DE MANUALIDADES CON MATERIAIS DE REFUGALLO!

A ver se algún de nós se anima a facer unha e mandar unha foto ou traer a manualidade ao cole para facer unha gran exposición entre todas.

NOVO PROXECTO: "SOSteño o mundo coas miñas mans"

 Hoxe fomos á biblioteca cos nosos compañeiros e compañeiras de quinto. Alí a coordinadora, Sonia, púxonos este video (que ainda que é para felicitar as festas serviu para darnos a coñecer o novo proxecto a nivel de centro deste ano):

E a continuación preguntounos de que críamos que ía ser o proxecto: uns dixemos que sobre a reciclaxe, outros que do medio ambiente,... ao final díxonos que que o proxecto deste ano é:

"SOSteño o mundo coas miñas mans"

Que vos parece?