ESTACIÓN 4: A DENSIDADE

 

Para experimentar coa densidade fixemos a botella das densidades. Con moito coidado botamos nunha botella substancias con distintas densidades: mel, deterxente líquido, auga, aceite, alcol.

Primeiro predixemos como críamos que se ían colocar as distintas substancias e despois comprobamos como se colocaron realmente e concluímos por qué.

ESTACIÓN 3: EXPERIMENTANDO COA FLOTABILIDADE

 Na estación 3 estivemos a experimentar coa flotabilidade facendo un sinxelo experimento.

Botamos un ovo dentro dun recipiente con auga e observamos que ía para o fondo que afundía. A continuación entre todos fomos botando pouco a pouco sal na auga e vimos como ao final o ovo flotaba.

Por que sucedeu isto? Pois porque ao engadirlle sal á auga fixemos que a súa densidade aumentara e que o ovo flotase.

ESTACIÓN 2: APRENDEMOS A CALCULAR O VOLUME

 Na estación dous aprendimos a medir volumes. Que como o fixemos? Pois con probetas e recipientes graduados.

ESTACIÓN 1: EXPERIMENTANDO COA MASA

Estes días andamos a voltas coas propiedades da materia. Descubrimos que ten unhas propiedades xerais que son a masa e o volume e tamén unhas específicas como a dureza, elasticidade, flotabilidade, densidade,...

Para experimentar con estas propiedades fixemos catro estacións: masa, volume, densidade e flotabilidade.

Na estación 1 experimentamos coa masa utilizado distintos tipos de balanzas y básculas:

EXPERIMENTANDO COA DENSIDADE

 

Seguindo cos nosos experimentos, chegoulle o turno á densidade. Sabemos que uns obxectos flotan ou non dependendo da súa densidade e tamén que non todos os corpos teñen a mesma densidade. Para demostralo fixemos un pequeno experimento.

Collimos cinco substancias: auga, alcohol, aceite, mel e lavavaixelas e un botellín de auga. Primeiro a profe dounos esta ficha para que puxeramos en que orde críamos que se ían a dispor as distintas substancias dentro da botella:

A continuación con moito coidado fomos botando as distintas substancias. Primero o mel, a continuación o lavavaixelas, despois a auga tinguida de vermello, o aceite e por último o alcohol que para que se vise tamén o tinguimos pero desta vez de azul.

Despois de ver os resultados, chegamos a conclusión que de maior a menor densidade, quedaría así:

mel > lavavaixelas > auga > aceite > alcohol

Polo tanto a substancia máis densa é o mel e a menos densa é o alcohol. E así o puxemos na nosa ficha:

Non nos confundimos tanto nas nosas predicións, non si?

EXPERIMENTADO COA FLOTABILIDADE

Continuando co tema da materia, esta vez tocoulle o turno a experimentar coas propiedades específicas da materia, neste caso a flotabilidade.

Primeiro probamos con varios obxectos facendo hipóteses antes de botalos na auga: tapas de plástico, bólas e barcos de papel de aluminio, conchas, pedras, plomadas, ...

A continuación probamos cun ovo. E tal como esperabamos, o ovo afundiuse. A continuación probamos a botarlle sal. Ao principio o ovo continuaba no fondo pero segundo iamos engadindo sal, o ovo cada vez ía subindo máis cara arriba.

Sabedes por que? Porque cando lle engadimos sal á auga, a súa densidade aumenta e iso fai que a do ovo sexa menor e polo tanto flote.

CANTO SABES DA MATERIA E AS SÚAS PROPIEDADES?

Fonte da imaxe

Agora que xa experimentamos tanto coas propiedades xerais da materia como coas propiedades específicas, e investigamos sobre as mesturas e as formas de separalas, imos comprobar canto sabemos sobre o tema con este test feito con GoConqr:

Test creado con GoConqr por Ana Martínez

A MATERIA E AS SÚAS PROPIEDADES

Neste tema de CCNN estamos investigando e aprendendo sobre a materia e as súas propiedades. Descubrimos que toda a materia ten dúas PROPIEDADES XERAIS (que son comúns a toda a materia) e unhas PROPIEDADES ESPECÍFICAS ou CARACTERÍSTICAS (que permiten diferenciar unhas substancias doutras) como son a flotabilidade, densidade, fraxilidade, brillo, dureza,...

Comezamos coas dúas propiedades xerais da materia que son: a MASA e o VOLUME. Grazas a estes tres experimentos que fixemos o ano pasado, lembramos como se calcula a masa e o volume dun obxecto.

Unha vez que xa lembramos como se facía, dividímonos en tres grupos para traballar de xeito cooperativo e fomos á mesa do material a buscar o que necesitabamos: unha pesa, recipientes graduados e tres ou catro obxectos de distinto peso e tamaño.

Xa na nosa mesa, pesamos os obxectos, calculamos o volumen de distintos corpos e anotamos os resultamos.

Descubrimos que algúns obxectos flotaban (FLOTABILIDADE) e neses non podiamos calcular o volume cos recipientes graduados:

E que as veces as apariencias enganan e pesa máis un obxecto pequeno que un máis grande :

Tamén medimos a masa coa outra PESA GRANDE e a BALANZA que temos na mesa do material:

E sabedes que? É bastante máis difícil que coa pesa electrónica. 

Aquí vos deixamos estes dous laboratorios virtuais de medida de masa e de volume e estes experimentos interactivos para que poidades practicar dun xeito parecido a como fixemos nós na clase:

Laboratorio virtual de medida de masa:

Laboratorio virtual de medida de volume (elixe a opción dúas):

E coma sempre, para seguir aprendendo e practicando ... o noso SITES de CCNN que vai medrando pouco a pouco: