PRACTICAMOS RECTAS PARALELAS

Na clase de plástica estivemos practicando a facer rectas paralelas coa regra e tamén a man alzada. E como estamos de cheo no Samaín, que mellor que con estes debuxos que atopamos en The keeper of the cheerios:

MOSAICO DE INVERNO

Así de bonitos quedaron os nosos mosaicos de inverno.

Idea orixinal
 

O NOSO RETRATO

 Na clase de Plástica traballamos a simetría facendo o noso retrato. Gústanvos como quedaron?

PUNTILLISMO CON GEORGE SEURAT

En plástica, este trimestre imos recrear obras de diferentes artistas utilizando distintas técnicas. Comezamos coa técnica de puntillismo e co cadro: "Tarde de domingo en la isla de la Grande Jatte" de Georges Seurat.

Primeiro vimos este video para aprender como é a técnica do puntillismo:

E despois a obra a reproducir:

Así nos están a quedar as nosas recreacións:

Cando estean todas rematadas, amosarémosvolas

ÁRBORES DE OUTONO

Durante o outono, na clase de Plástica estivemos a facer árbores utilizando as cores frías e cálidas propias desta estación.

Primeiro, coloreamos toda folla, utilizando cores como o laranxa, vermello, amarelo, ... facendo distintos patróns:

A continuación, pintamos a silueta dunha árbore utilizando témpera negra:

E para rematar, pegamos por encima, follas feitas coa troqueladora e un borde de cor marrón:

QUE VOS PARECEN?

FOLLAS DE OUTONO II

Na terceira lámina, traballamos as cores do outono, a simetría e a grafomotricidade. A profe repartiunos esta lámina coa metade de catro follas distintas:

Lámina atopada no SlideShare Outono de Cristina Moreira

Primeiro debuxamos a outra metade de cada folla a lápis e cando estivemos contentos co resultado, a repasamos a rotulador permanente negro.

A continuación pintámolas utilizando cores do outono: laranxa, marrón, amarelo, vermello, verde,...

Continuamos trazando cun rotulador da mesma cor da folla toda a silueta varias veces ata chegar ao borde do recadro.

Por último, recortamos as catro follas, pegámolas nunha lámina do bloc de debuxo na orde que quixemos e puxémoslle título.

Así de ben o fixemos:

NOTA:Falta a de Enma que subiremos proximamente para que vexades que ben lle saiu tamén.

FOLLAS DE OUTONO I

Na segunda sesión de plástica, aprendimos cales eran as cores frías (azuis, verdes, morados,...) e as cores cálidas (amarelos, vermellos, laranxas,...) relacionándoas coa estación do outono.

Repartimos  entre todos catro modelos distintos de follas que atopamos na páxina de Itsy Bitsy Fun e que podedes descargar gratuitamente dende a súa páxina ou clicando na imaxe de abaixo:

Imaxes de Itsy Bitsy Fun

A consigna foi pintar cada unha das zonas delimitadas de dentro da folla con cores cálidas e as de fóra, con cores frías.

E así foi como nos quedaron:

A que nos quedaron moi vistosas e coloridas?

Na próxima entrada, amosarémosvos cal foi a nosa terceira lámina de plástica, tamén relacionada co outono.

REMATA O DEBUXO

(Podedes descargar de xeito gratuito a plantilla clicando na imaxe)
Idea orixinal de Michael do blog Who´s who and news

Na primeira ficha de Plástica, a profe deunos unha ficha que atopou en internet en inglés e que traduciu ao castelán, na que só había dous trazos: unha línea curva hacia arriba e unha espiral. Pediunos que a partir delas, fixeramos un debuxo e esto foi o que saíu:

ENMA:  Un caracol subindo por unha escaleira.

ADRIÁN: Un elefante.

AINOA: Un vampiro.

SHEILA: Unha mazá.

MIGUEL:Un globo.

PAZ: Unha rapaza.

AITANA: Un río.

YAGO: Unha cara triste.

ALBA: Unha cara dunha rapariga.

CARMEN: Unha carroza.

GÚSTANVOS? A QUE SOMOS MOI CREATIVOS?

O NOSO XARDÍN FLORIDO

Así de bonita nos quedou a nosa derradeira lámina de plástica:

A idea orixinal, sacámola da páxina de Krokotak

PAXAROS NO HORIZONTE

En plástica, estivemos a facer estas sombras de paxaros co distintas tonalidades dunha cor por detrás. Ollade que bonitos nos quedaron:

Collage feito en https://www.befunky.com

Gústanvos?