VOLTAMOS AO HORTO

 Unha vez máis, visitounos Pablo para seguir a poñer en marcha o  horto escolar.

Repartidos en grupos, fixemos as seguintes tarefas:

- Preparar os aspersores, para facilitar o rego dos nosos bancais:

- Calcular a porcentaxe de fertilizante ecolóxico necesario para alimentar as follas (produto verde, 5% de 2 litros) e rexenerar o chan e formar os agregados (mestura do produto verde e do laranxa, 1% de cada un para 5 litros de auga) para preparar as mesturas remexendo con coidado.

- Seguir construíndo os hoteis para insectos: transportamos follas e ramas, plantamos e regamos coa mestura de fertilizantes que fixemos.

Isto xa vai tomando forma!

TRABALLANDO NOS NOSOS BANCAIS

 Hoxe voltamos ao horto, esta vez tocounos cos nosos compañeiros e compañeiras de terceiro de primaria. A orde do día era preparar os nosos bancais. Algúns, quitamos as malas herbas e as botamos no corredor central, outros as levamos ata o composteiro e o resto encargámonos de regar. 

E a volta das vacacións de Nadal ... por fin plantaremos neles!!!!!

PREPARANDO O HORTO

 O venres pasado, recibimos no cole a visita de Pablo Iglesias, un experto en cultivos ecosostibles que xa nos acompañou o curso anterior, para axudarnos a poñer en condicións o noso invernadoiro para este novo curso. E sabedes que? Hoxe, tocounos compartir o tempo de horto cos nosos compañeir@s de ciclo.

Durante preto dunha hora, recollimos follas e paus para poñer arredor do invernadoiro pola parte exterior para facer casiñas para os insectos de xeito natural, arrincamos malas herbas e tamén tivemos tempo para sementar.

Traballamos un montón!

PERMACULTURA NO COLE

 A partir de agora, todos os meses, contaremos coa visita de Pablo Iglesias, un experto en cultivos ecosostibles para ensinarnos como traballar o noso horto escolar.

A nós, tocounos cos nenos e nenas de 5 anos. Todos xuntos recollimos e espallamos follas nos pasillos do invernadoiro. Despois, quitámoslles as malas herbas aos nosos bancais e plantamos unhas cebolas pequenas.

O NOSO HORTO

 Ollade que grandes están xa as nosas patacas e as lombardas:

AS NOSAS PATACAS

 Así van medrando as nosas patacas:

PLANTAMOS LOMBARDAS

 Hoxe fomos ao horto a outra metade da clase, esta vez para plantar lombardas.

PLANTAMOS PATACAS

 Hoxe, fomos a metade da clase ao horto para plantar patacas.

COMEZAMOS A RECOLECTAR!

Pouco a pouco a nosa colleita comeza a medraR. Hoxe puidemos recoller o primeiro brócoli:

Sorteámolo entre todos e a persoa afortunada para levalo para casa foi .... MENCÍA!!

PLANTAMOS

 Agora que o noso horto xa está limpo de maleza, primeiro fomos a preparar os nosos bancais:

E uns días despois  fomos a plantar:

Agora xa só nos queda esperar pola colleita

HORTO ESCOLAR

 O venres pasado retomamos o horto escolar. Así estaba cando abrimos as portas do invernadoiro:

E despois de traballar ben duro:

Así quedou o noso invernadoiro:

Agora xa só nos falta decidir que imos a plantar. Xa vos contaremos.

NOVA PLANTACIÓN

 Hoxe voltamos ao horto. No bancal e medio que temos agora, coa axuda de Jorge, plantamos leitugas, fresas, cenorias, ...

A ver que tal se nos da esta nova colleita!!!!!

A NOSA PLANTACIÓN

 Así de ben están a crecer os nosos repolos e as nosas coliflores:

PLANTAMOS REPOLO E COLIFLOR

Agora que xa temos os bancais listos é o turno de plantar. Así que nin curtos nin preguiceiros, hoxe fomos ao invernadoiro a plantar repolo e coliflor. Ollade que ben o facemos!

EMPEZAMOS CO HORTO ESCOLAR

Agora que xa están repartidos os bancais,  fomos por primeira vez ao invernadoiro para preparar os nosos.

Removimos ben a terra cos sachiños pequenos e co grande, fixemos regos, abonamos con abono natural, cubrimos ben todo e por último regamos. E por suposto, deixamos todo recollido e ben limpo.