CONCURSO "GALICIA FEM"

Dentro das actividades que organiza o Concello de Neda de sensibilización e reivindicación do 25 N, os nenos e nenas de  cuarto e quinto de primaria fomos ao CEIP San Isidro para disfrutar da recreación dun programa televisivo, o concurso "Galicia Fem". Tratouse dun espectáculo interactivo moi divertido no que  axudando á concursante, puxemos a proba todo o que sabiamos sobre linguaxe inclusiva, mulleres galegas importantes e incluso sobre as diferencias de xénero. 

CONTRA A VIOLENCIA DE XÉNERO

 Co obxectivo de previr a Violencia de Xénero tamén dende a escola, no centro e na clase ao longo destas semanas estivemos a traballar sobre este tema.

Fixemos murais e carteis reivindicativos:

Participamos no IV ENCONTRO ESCOLAR DE FERROLTERRA POLA ELIMINACIÓN DA VIOLENCIA DE XÉNERO financiado pola Deputación da Coruña axudando a gravar este video no que saímos os alumnos de 5º e 6º de EP:

E rompendo a cadea da violencia dixital:

E tamén na marcha Contra a Violencia de Xénero que organizou o Concello de Neda:

PLAN DIRECTOR: VIOLENCIA DE XÉNERO

 Un curso máis, no cole participamos no Plan Director para a convivencia e a mellora da seguridade nos centros educativos e nos seus contornos. Este plan, ofrece aos centros docentes a posibilidade de solicitar charlas informativas/formativas sobre temas como o acoso escolar, violencia de xénero, novas tecnoloxías,... impartidas por persoas expertas das Forzas e Corpos de Seguridade do Estado.

Así que hoxe, os nenos e nenas de quinto e sexto de primaria,  tivemos a primera charla informativa da man de Sara que pertence á Garda Civil. Durante preto dunha hora, Sara estivo falándonos da violencia de xénero tanto da física como da psicolóxica así como dos estereotipos.

Vimos ademais este video no que aprendimos que a través das novas tecnoloxías tamén pode haber violencia de xénero, por exemplo humillando a outra persoa (parella ou exparella) compartindo fotos íntimas sen o seu consentimento e que facer isto é un delito.

1ª CHARLA PLAN DIRECTOR: A VIOLENCIA DE XÉNERO NON TEN IDADE

A semana pasada tivemos a primeira das tres charlas pertencentes ao "Plan director para a convivencia e a mellora da seguridade nos centros educativos e nos seus contornos".

Durante unha sesión, Sara, unha garda civil, falounos dos estereotipos, do maltrato verbal e psicolóxico dalgúns homes hacia mulleres coas que manteñen ou mantiveron algunha relación sentimental, dos prexuizos e do importante que é fomentar a igualdade.

Tamén vimos algúns videos como este, cos que aprendimos que o control sobre o noso móbil, a roupa que usamos ou os nosos amigos e amigas non é sinónimo de amor.

NAVEGANDO POLA IGUALDADE

Imaxe de Leandro Lamas

Hoxe, Día Internacional contra a Violencia de Xénero, os nenos e nenas de quinto e sexto (cada curso na súa aula) vimos o video "SIRA e a illa, Como mudar o mundo cunha barquiña de papel" unha narración poética de Palmira Castro desde o seu proxecto mimadriña que fomenta a igualdade e a xustiza entre mulleres e homes e entre todos os pobos.

Este video que estivo en aberto do 9 ao 25 de novembro na páxina Defronte.gal. conta a historia dunha nena que sempre tivo claro que quería facer, ser e sentir por ela mesma.

No video Sira soltaba barquiños de papel no mar. Nós tamén fixemos uns fermosos barquiños de papel nos que escribimos palabras bonitas como respecto, amor, amizade, confianza, ... E todos estes barquiños pegámolos en dous barquiños máis grandes que puxemos na entrada do noso colexio.

25 N : Tod@s contra a Violencia de Xénero

Os nenos e nenas de quinto e sexto do CEIP de Maciñeira estamos en contra da Violencia de Xénero por iso, participamos nunha iniciativa que partiu do CEIP Aquilino Iglesia Alvariño de Abadín e dúas mestras do CEIP Manuel Mato Vizoso de Vilalba e o CEIP Santo Estevo de Parga respectivamente.

A iniciativa consistiu en facer un mural co paxariño de twitter e o hastag #EQUALITER poñendo as mans de cada neno/a en contra a violencia de xénero e gravando un video co slogan.

Esta foi a nosa participación individual:

E este é o video final coas aportacións dos 70 colexios participantes:

Para rematar, deixámosvos este precioso video de Rozalen:

3ª CHARLA PLAN DIRECTOR: VIOLENCIA DE XÉNERO E DROGAS

O pasado xoves 24 de maio, tivemos a terceira e última charla do Plan Director para a convivencia e mellora da seguridade escolar.

Comezamos falando da violencia de xénero.  Aprendimos que se fala de maltrato cando un home maltrata verbal ou psicolóxicamente a unha muller coa que mantén ou mantivo unha relación sentimental e que se a nosa parella quere influir en quen son os nosos amigos, en como imos vestidos, vixía todo canto facemos, míranos o teléfono móbil, ... iso non é unha mostra de cariño senón todo o contrario. Tamén, que todavía na actualidade hai moitos estereotipos e prexuizos hacia as mulleres, Conversamos sobre o importante que é que dende pequenos, fomentemos a igualdade entre os dous xéneros para evitar así que a violencia de xénero todavía teña cabida.

Ollade que atentos estabamos:

A continuación, tocoulle o turno ás drogas, entre elas o alcol e o tabaco. Foi unha charla moi interesante e ao rematar todos tiñamos moi clariño que ... NON QUERIAMOS SABER NADA DAS DROGAS!!!!!!!! nin das permitidas nin das prohibidas.

Vimos ademais este video onde dun xeito cómico nos fala de 10 drogas que nunca debemos tomar e máis se imos conducindo:

EN NEGRO CONTRA A VIOLENCIA DE XÉNERO

Como tódolos anos, o Concello de Neda, convidounos ás clases de quinto e sexto de Educación Primaria á Marcha polo bo trato, pero este ano, debido ao mal tempo, suspendeuse o que era a Marcha pero non así os actos conmemorativos deste día.

As dez e media, xuntámonos na Casa da Cultura cos nenos e nenas tamén de quinto e sexto de primaria do colexio de San Isidro e cos alumnos/as de 1º da ESO do instituto Fernando Esquío. Encantounos ver a antigos compañeiros do cole como Martín, David, Lucas, Marta, Iria, Sergio, Manuel,...

Comezaron os de San Isidro lendo uns fermosos poemas, continuaron os do Instituto cun pequeño relato e unhas alegacións en contra do Maltrato e rematamos nós desfollando a margarida que estivemos a preparar estes días na clase.

Aquí podedes ler o que puxemos en cada pétalo:

E aquí o video que fixemos nun dos ensaios:

Ademais, levamos unhas fermosas pancartas que fixemos por equipos en ámbalas dúas clases:

Así de ben traballamos en equipo:

Unha vez rematada a participación dos centros educativos, escoitamos unhas palabras de Ana Rosa Pena Barcia, Concelleira de Servizos Sociais, Igualdade, Facenda e Terceira Idade  e despois do alcalde, Ángel Alvariño Saavedra:

Continuamos cunha solta de globos negros que representaban as mulleres e nen@s mortos durante este ano:

O acto rematou cunha gran chocolatada para tod@s na que no faltou tampouco una rica bola de azucre. Uhmmmmm!

SEGUNDA CHARLA DO PLAN DIRECTOR : ACOSO ESCOLAR E VIOLENCIA DE XÉNERO

O pasado luns, tivemos a segunda charla do Plan Director para a Convivencia e Mellora da Seguridade Escolar. Se a semana pasada, Jesús, o garda civil que veu ao noso centro,falounos dos  riscos de Internet, hoxe tocoulle o turno ao ACOSO ESCOLAR e a VIOLENCIA DE XÉNERO.

Aprendimos que o ACOSO ESCOLAR é calquer tipo de agresión non só física senón tamén verbal e psicolóxica coa intención de facer dano , que é un delito que se atopa contemplado no Código Penal e tamén que é tan culpable o que agrede como o que está de espectador e non fai nada para frear a agresión contándollo a un adulto.

fonte

E ademais, que facemos acoso verbal cando insultamos, lle poñemos mote,  humillamos ou inventamos rumores sobre un compañeir@... non só en persoa senón tamén nas redes sociais e no whatsapp. Que este acoso é psicolóxico cando aillamos a un compañeiro, non o deixamos xogar, o apartamos,... Iso non quere dicir que cada vez que rifemos ou nos pelexemos esteamos a   facer acoso, xa que se este feito se produce de xeito aillado ou esporádicamente ainda que terá as súas consecuencias negativas non constitúe acoso. Para falar de acoso, estas situacións téñense que manter no tempo. 

fonte

E por suposto, o que tamén quedounos moi clariño, é que nunca debemos responder a unha situación de acoso con violencia, unha porque magnificaremos o asunto é non o arreglaremos e outra porque nos poñeriamos ao mesmo nivel que o acosador. O mellor sempre nestes casos é informar aos nosos pais ou a algún adulto de confianza: familiar, mestre,...

Algúns materiais para traballar o acoso escolar:

En canto á VIOLENCIA DE XÉNERO, Jesús contounos que é cando un home maltrata física, verbal ou psicolóxicamente a unha muller coa que mantén ou mantivo unha relación sentimental. É un tema que xa vén de moi antiguo, xa que dende o principio dos tempos, o papel da muller sempre estivo ligado á casa e ao coidado dos fillos. Afortunadamente na actualidade isto está a cambiar e para acadar este cambio debemos educar aos nenos en nenas, desde edades ben tempranas, á resolución pacífica de conflitos, fomentar a empatía e desenvolver autoestima, principios que favorecen a desaparición dos perxuicios de xénero que se dan xa desde a escola.

Aquí temos un exemplo de maltrato: