DETECTIVES DE MATERIAIS: BOLSAS SOLUBLES

 Nos últimos anos, a contaminación por residuos plásticos é un dos principais problemas medioambientais do noso tempo. Por exemplo, unha bolsa de plástico dura uns 55 anos de media e unha botella de auga ... pode durar máis de 1000 anos!!!!! Por sorte para nós, os científicos están investigando para conseguir novos tipos de plásticos que axuden a resolver parte deste problema. 

Na clase, estivemos a experimentar cun destes novos tipos de plásticos: as bolsas solubles. 

Primeiro, comparamos unha bolsa normal e unha bolsa soluble. Observamos que a bolsa normal era pesada, áspera e transparente mentras que a bolsa soluble era lixeira, suave e traslúcida. 

Despois recortamos dous cadrados de 10 cm de lado de cada unha e mergullámolos en auga. 

Aos poucos minutos puidemos comprobar como a bolsa normal permanecía igual mentras que a outra bolsa iase disolvendo pouco a pouco.

 Isto sucedeu porque a segunda bolsa estaba fabricada cun plástico chamado PVA que é soluble en auga mentras que a primeira estaba fabricada con polímeros insolubles ao auga.

Ainda que isto é un avance moi importante para a redución de plásticos non é a solución ao problema. Todos temos que poñer o noso gran de area e podemos empezar seguindo a regra das tres erres: reducindo, reciclando e reutilizando materiais.

DETECTIVES DE MATERIAIS: HIDROXELES

Continuando co noso proxecto de novos materiais, hoxe chegoulle o turno aos hidroxeles máis coñecidos como órbits. Sabiades que son capaces de absorber moita auga? Para comprobar como o fan fixemos distintos experimentos. Primeiro, collimos vintecinco boliñas de hidroxel e pesámolas cunha pesa electrónica. Só pesaban un gramo.

Despois mergullamos dez boliñas en auga, dez en zume e dez en coca cola. Ao día seguinte,pesamos as boliñas que estaban mergulladas en auga e puidemos ver que menos boliñas pesaban seis gramos máis cas de onte:

Tamén descubrimos que as boliñas que estiveron na auga eran bastante máis grande cas que estiveron no zume e na coca cola:

Outra das cousas que fixemos foi poñer unhas boliñas brancas nun recipiente e outras tantas de cor noutro. Ao día seguinte, as boliñas brancas ... ERAN TRANSPARENTES!!!!  Mágoa que non temos ningunha foto para que o vexades!

DETECTIVES DE MATERIAIS: AREA HIDRÓFOGA

Nesta terceira sesión, seguimos a investigar con distintos materiais. Comezamos dividíndonos por parellas para experimentar coa area hidrófoga. Primeiro, botamos unha pouca area nun recipiente plano e con ela fixemos unha especie de rampla ou tobogán. A continuación botámoslle enriba unhas poucas pingas de auga cunha micropipeta e vimos que a auga resbalaba, non se absorbía.

A continuación, botamos a area dentro dun vaso con auga e despois retirámola coa axuda dunha culler. A AREA ESTABA SECA!!!!!!!

Por último mollamos a area con aceite e despois mergullámola en auga outra vez. Cando a retiramos ... AGORA A AREA ESTABA MOLLADA!!!!!!

Grazas aos experimentos e á información do proxecto, descubrimos que esta area leva un tratamento cun líquido que fai que repela a auga e que sempre a notemos seca. Pero tamén descubrimos que este tratamento non é efectivo contra o aceite por iso cando lle botamos aceite e a mergullamos en auga, a area si que se molla..

DETECTIVES DE MATERIAIS: PINTURA NEGRA E CINTA GECKO

 Nesta segunda sesión, convertímonos en "detectives de materiais" e experimentamos cos dous primeiros: a pintura máis negra do mundo e coa cinta adhesiva inspirada no animal Gecko.

Sabíades que a pintura negra non é realmente do todo negra, que o negro perfecto non existe? Por equipos, pintamos a plantilla que viña no kit con distintas pinturas negras: rotuladores, ceras brandas, ceras duras, lápices de cores, témpera, ...

E descubrimos que en todos os recadros que pintamos a nosa pintura negra era moito máis clara que o recadro que viña xa cun negro de imprenta. Tamén que nunha habitación escura, esa pintura era a que máis custaba ver. Sabedes como a crearon? Pois ben,  utilizando un pigmento que case non brilla para fabricala. Esta pintura pode ter varias distintas aplicacións como esta:

A continuación tocoulle o turno á cinta Gecko. Primeiro pegámola e despegámola entre si varias veces e comprobamos que seguía pegando igual que ao principio,  pegámola en distintas superficies: no armario, no cristal da ventá, na mesa, na parede e comprobamos que se pegaba en calquer material, que se podía quitar sen deixar restos de pegamento, que era moi forte e aguantaba moito peso,  ...

Despois coa axuda das micropipetas, mollamos a superficie da cinta e comprobamos que ainda mollada, a cinta seguía pegando igual de ben.

A que non sabedes porque esta cinta é diferente ás outras cintas adhesivas e pega moito mellor? Poi porque a súa superficie está chea de pequenos filamentos, millóns de pequenos pelos con forma de fungo que lle dan esa capacidade de pegar tan distinta ás demais.

HISTORIA DOS MATERIAIS

Hoxe fixemos a primeira sesión do proxecto "Factoría de Novos materiais". Empezamos aprendendo algo de historia dos materiais como a súa orde de aparición (pedra, madeira, metais, téxtil,...), buscamos en Internet con que estaban fabricados distintos obxectos como unhas campás, unha lata de conservas, unha espada romana,... e por que se utilizaron eses materiais para fabricalos e non outros, descubrimos que a materia está formada por unhas partículas moi pequenas chamadas átomos e coa axuda de tres globos simulamos unha molécula de auga:

Programa D’tec – Proxecto escolar “Factoría de Novos Materiais”

 

A principios de mes, apuntámonos ao Programa D´tec - Proxecto escolar "Factoría de Novos materiais" dirixido ao alumnado de quinto e sexto de primaria e tivemos a gran sorte de ser un dos trinta colexios seleccionados de toda Galicia.

Este proxecto, como eles din, consiste na achega aos estudiantes dos novos materiais que existen na actualidade a través de actividades amenas e prácticas buscando despertar a curiosidade pola innovación e a investigación. Entre outros, os contidos que se traballan son:

- Conceptos básicos sobre os novos materiais e as súas propiedades. Vantaxes e inconvintes do seu uso.

- Detectives de materiais: experimentacion coa pintura máis negra do mundo, cinta adhesiva inspirada no animal Gecko, area hidrofóbica e hidroxeles.

- Investigación sobre os polímeros mediante a fabricación de pelotas saltarinas e obxectos con plástico termo moldeable.

- Creación de biomateriais experimentando coa fabricación de materiais orgánicos biodegradables utilizando leite.

Para poder acadar estes contidos e os obxectivos do programa, uns días despois recibimos no centro, un kit con todos os materiais necesarios para desenvolver as actividades anteriores. Estes son algúns dos materiais que recibimos: