PLANTAMOS

 En Ciencias da Natureza estamos co tema das plantas. Así que hai uns días decidimos plantar unhas lentellas para ver o proceso de xerminación e os coidados que necesitan ter as plantas:

Colocámolas nas ventás de clase:

E así van medrando:

A plantilla na que pegamos as bolsas plásticas son de: goproferecursos. Moitas grazas por compartila.

EXPERIMENTO 1: O DISCO DE NEWTON

Hoxe empezamos os nosos experimentos relacionados coa luz. É o primeiro de todos é o Disco de Newton para comprobar se a cor branca é unha mestura de todas as cores do arco da vella.

Para iso, só necesitamos un trozo de cartolina, un CD, un transportador de ángulos, pinturas, tesoiras, unha canica e silicona.

Así o fixemos:

1º Colocamos un vello CD sobre a cartolina, para facer un círculo.

2º Coa axuda do transportador, dividimos o círculo en sete partes (5 ángulos de 50ºC e dous de 55ºC).

3º Coloreamos cada parte coas cores do arco da vella na súa orde correcta.

4º Pegamos o círculo ao CD.

5º Coa pistola de silicona, pegamos unha canica pola parte de abaixo do CD.

Resultados:

 

Como coas canicas non se apreciaba ben a luz branca, acabamos utilizando un ventilador de man para ver mellor o efecto.

Que vos parece?

EXPOSICIÓN GRUPO 1: ANIMAIS EN PERIGO DE EXTINCIÓN EN OCEANÍA

 

O primer grupo en expoñer o seu traballo sobre os animais en perigo de extinción, foi o formado por Sabela, Izan, Lucía Verdú e Manuela que estiveron a investigar sobre algúns animais en perigo de extinción de Oceanía. Menudos nervios!!!!!!!

WEBQUEST: ANIMAIS EN PERIGO DE EXTINCIÓN

 Xa que andamos a voltas cos ecosistemas e os animais, imos investigar entre todos que animais en perigo de extinción hai nos distintos continentes, por que están en perigo de extinción e que se pode face para evitalo e para iso utilizaremos esta webquest:

OS ECOSISTEMAS

En Ciencias Naturais estamos a estudar os ecosistemas. Para repasar y aprender moitas cousas podemos utilizar este Genially:

PLANTAMOS LENTELLAS

 Outra das actividades que fixemos mentras dábamos a unidade sobre as plantas foi precisamente plantar lentellas.

Para iso, metimos dentro dunha bolsa de plástico un pouco de algodón e unhas cantas lentellas, humedecimos o algodón con auga, e decoramos a bolsa:

E así foron medrando:

Pasapalabra e Breakout sobre enerxía

 Para repasar o tema da enerxía que estamos a ver en Ciencias Naturais, a profe preparou unhas tarxetas feitas con Goconqr, un pasapalabra feito con Genmagic e un Breakout feito con Genial.ly  Non só aprendimos moito con eles, senón que tamén o pasamos de marabilla.

Estes son os tres recursos que utilizamos:

EXPERIMENTOS MOI ELECTRIFICANTES

1º)PRODUCIMOS ELECTRICIDADE CUNHA PATACA, UNHA MAZÁ E UN LIMÓN.

Cun polímetro, dous cables de cobre (que actúan como ánodo, é dicir carga negativa) e un parafuso (que actúa como cátodo, é dicir carga positiva) , medimos a electricidade que produce unha pataca (0,96 V), unha mazá (0,97 V ) e un limón (0,99 V) comprobando que canto máis ácido é o produto que utilizamos máis electricidade produce.

2º) COMPROBAMOS SE UN COITELO E UNHA REGRA SON MATERIAIS CONDUTORES OU AILLANTES.

Facemos un circuito cunha pila de petaca, unha bombilla e uns cables de cobre. Deixamos un lado aberto para poder comprobar se un coitelo de metal ou unha regra de plástico pechan o circuito e segue circulando a electricidade (material condutor) ou este paso se interrumpe (material illante). Comprobamos que os metais son bos condutores da electricidade e que o plástico é un material illante.

3º) ELECTROLISIS DA AUGA (DESCOMPOSICIÓN DA AUGA EN HIDRÓXENO E OSÍXENO).

Botamos auga doce nun recipiente. A continuación colocamos dúas barras de ferro. Collemos dúas pinzas que unimos por un lado ás barras de ferro e polo outro a unha pila de petaca. Esperamos uns segundos e observamos que non sucede nada porque a auga doce non é condutora da electricidade.

A continuación botamos sal na auga e ... pouco a pouco imos vendo como se forman unhas burbullas:a auga comeza a descompoñerse nos seus compoñentes: hidróxeno e osíxeno porque a auga salgada si é condutora da electricidade.

XOGAMOS COAS CORES:O DISCO DE NEWTON

 

No tema da enerxía vimos a enerxía luminosa, a luz branca, a luz negra e as distintas cores e fixemos un disco de Newton que nos serviu para comprobar que a luz branca é unha combinación das sete cores do arco da vella: vermello, laranxa, amarelo, verde, azul, añil e violeta.

O NOSO MANUAL DE SEPARACIÓN DE MESTURAS

Outra das actividades que fixemos no tema de CCNN sobre a MATERIA, foi desenvolver un MANUAL SOBRE SEPARACIÓN DE MESTURAS.

Primeiro, agrupámonos por parellas de "científicos" (como faltaba Carmen, quedou un equipo de tres) e repartímonos as catro mesturas que nos propuxo a profe:

 Auga e area

Auga salgada

Auga e alcol

Arroz e limaduras de ferro (en substitución as limaduras, chinchetas)

Cada equipo, comezamos elaborando unha estratexia para separar os compoñentes da nosa mestura, incluíndo un método, a dispoñibilidade de materiais e o seu custo. E a continuación, avaliámola, consesuámola e presentámola por escrito nunha plantilla que nos proporcionou a profe, co fin de obter un único manual de separación de mesturas coa descrición, requirimentos e custo aproximados de cada técnica.

Este é o noso traballo:

- Equipo 1: Alba e Miguel.

- Equipo 2: Sheila e Enma:

Equipo 3: Ainoa e Aitana.

Equipo 4: Adrián, Yago e Paz:

Aquí vos deixamos as plantillas que preparou a profe por se alguén lle resultan útiles:

CANTO SABES DA MATERIA E AS SÚAS PROPIEDADES?

Fonte da imaxe

Agora que xa experimentamos tanto coas propiedades xerais da materia como coas propiedades específicas, e investigamos sobre as mesturas e as formas de separalas, imos comprobar canto sabemos sobre o tema con este test feito con GoConqr:

Test creado con GoConqr por Ana Martínez

EXPERIMENTANDO COA FLOTABILIDADE E A DENSIDADE

Despois de experimentar coas propiedades xerais da materia, é dicir, coa masa e o volume, chegoulle o turno ás propiedades características e dentro delas, á densidade e á flotabilidade.

Sabemos que un corpo flota se a súa densidade e menor ca a da auga (1g/cm3) e que afonda se a súa densidade é maior. Así que quixemos probar se era verdade.

Primeiro probamos con dous trozos iguais de aluminio. Cun, fixemos unha bóla e co outro un barquiño. Observamos que a bóla de aluminio era algo máis densa que a auga e ainda que non chegaba a afundir totalmente si que quedaba parte dela baixo a auga:

E que o barco de aluminio flotaba porque estaba oco e a densidade do barco completo era menor ca a da auga:

Despois probamos que pasaba cun submarino caseiro que fixemos cunha botella de medio litro de auga. Que como o fixemos? Cunha tesoira fixémoslle dous buratos aos que lles atamos unha cinta con dúas plomadas para que os buratos quedasen sempre para abaixo. Polo lado contrario, fixemos outro burato polo que pasamos un tubo que sellamos con silicona.

Cando metimos a botella na auga, vimos como pouco a pouco se ía afundindo a medida que a auga entraba polos buratos de abaixo:

Unha vez que estaba xa case afundida , un de nós soplou polo tubo de plástico é ... MAXICAMENTE O SUBMARINO VOLTOU Á SUPERFICIE!

CONCLUSIÓN: O submarino (a botella) sempre ten o mesmo volume. Cando está cheo de auga, a súa densidade e maior ca a da auga e afúndese. Cando o submarino se enche de aire, a auga sae, o submarino pesa menos, a súa densidade é menor ca a da auga e polo tanto sobe ata que flota na superficie da auga.

A continuación experimentamos con distintas substancias: mel, deterxente líquido, auga, aceite e alcol.

E puidemos comprobar como se ían colocando as substancias segundo a súa densidade:

(A próxima vez temos que tintar o alcol para que se vexa mellor enriba do aceite)

CONCLUSIÓN: Ordenadas de maior a menor densidade:

MEL > DETERXENTE LÍQUIDO > AUGA > ACEITE > ALCOL

EXPERIMENTAMOS: FACEMOS UNHA CROMATOGRAFÍA

En Naturais estamos a estudar e aprender cousas sobre os seres vivos e as plantas. Estes días andamos a voltas coa Fotosíntese e descubrimos que para fabricar o seu alimento, ademais do zume bruto (auga e sales minerais) e de dióxido de carbono, as plantas tamén necesitan a enerxía solar e que a encargada de aborbela para realizar este proceso, é a Clorofila.

Aprendimos que a clorofila é unha substancia de cor verde que teñen as follas responsable da característica cor verde das plantas.

Como non o tiñamos moi claro, decidimos facer una CROMATOGRAFÍA e así extraer e observar a clorofila das plantas.

Queredes saber como o fixemos? Ollade, ollade:

AS NOSAS MÁQUINAS

No derradeiro temas de Ciencias Naturais estivemos aprendendo cousiñas sobre as máquinas simples e compostas. E como non hai mellor xeito para aprender que coa experimentación e manipulación, cada un de nós fixemos unha máquina utilizando materiais reciclados e despois expuxémolas todas na entrada do cole.

Estas son as nosas maquetas:

- ENMA: Un balancín

- ADRIÁN: Unha tartaruga xiratoria

- ALBA: Dúas versións de norias de auga

- YAGO: Un muíño de vento

- PAZ: Unha balanza

- AINOA: Un tobogán

- CARMEN: Unha catapulta

- AITANA: Un carro

- SHEILA: Unha atracción de canicas:

- MIGUEL: Un pozo

Moitísimas grazas a todas as familias pola súa colaboración

EXPERIMENTANDO COAS PROPIEDADES DA MATERIA

Fonte da imaxe

No tema 5 de Ciencias Naturais, estamos estudando as propiedades xerais e particulares da materia. Aprendimos, que todos os materiais teñen unhas PROPIEDADES XERAIS a todos eles como son a MASA (que se mide cunha balanza) e o VOLUME (que se mide cun recipiente graduado) e tamén unhas PROPIEDADES PARTICULARES como a DENSIDADE, FLOTABILIDADE, FLEXIBILIDADE, DUREZA,...

Como nos resultaba un pouco difícil de entender, decidimos experimentar un pouco. Así que fixemos tres experimentos:

1º EXPERIMENTO: Ten a mesma masa medio litro de aceite que medio litro de auga?

2º EXPERIMENTO: Cal dos dous obxectos ocupa máis volume?

3º EXPERIMENTO: Analizamos a flotabilidade dos obxectos.

QUEREDES SABER COMO O FIXEMOS? OLLADE, OLLADE.

Fai clic no centro en Click to read se queres velo a pantalla completa

APRENDEMOS OS ÓSOS CON RA

No último tema de naturais do trimestre, ademais dos sentidos, tamén estudamos os ósos e os músculos.

Para aprender os ósos, fixemos un esqueleto articulado que vimos na web de ACTILUDIS:

Ademais copiando unha idea que vimos no blog de  Óscar, La eduteca, coa aplicación AUGMENT, sacámonos unha foto cun esqueleto:

A continuación, con moito coidado, etiquetamos os ósos. Aquí podedes ver algún exemplo:

En canto aos músculos, practicamos a colocalos e tamén o seu nome, con esta ficha que tamén atopamos na web de ACTILUDIS:

Pero iso non foi todo, coa aplicación ANATOMY 4D e o seu marcador, na tablet vimos o esqueleto, os músculos e repasamos algúns dos aparatos que estudamos no tema anterior:

E con estes recursos que recopilamos no noso google sites seguimos aprendendo e practicando: