3ª PROXECCIÓN DE CINE E SAÚDE

 

A semana pasada visitounos María José para presentarnos a terceira e derradeira película do programa de Cine e Saúde. 

Trátase da película "Mi amigo pony", unha preciosa película para traballar o amor polos animais.

Aquí vos deixamos o tráiler oficial da película:

2ª PROXECCIÓN DE CINE E SAÚDE

 

Se onte tivemos a visita de Sara para facer a terceira e última charla do Plan Director, hoxe veu a visitarnos Mª José, pedagoga do Concello de Fene para presentarnos a segunda proxección deste trimestre: "O mellor verán da miña vida", unha película que resalta os valores da familia e os amigos.

Aquí vos deixamos o tráiler oficial da mesma:

CINENSINO: ABOMINABLE

A semana pasada vimos a segunda película do programa Cinensino: Abominable. 

Unha bonita película coa que se traballan valores como o compañeirismo, a amizade, a perseverancia ,...

Este é o tráiler oficial da película:

CINENSINO: O PARQUE MÁXICO

O luns despois do recreo, visitounos a Pedagoga do Concello de Fene, Mª José, para presentarnos a primeira película do programa Cine e Saúde, que como xa vos contamos en anteriores entradas, é un programa formado por tres películas (unha por trimestre) que combina a proxección de películas nos centros co debate e o traballo arredor do seu contido a través de tres unidades didácticas.

Nesta primeira película "O parque máxico" trabállanse os valores da amizade, a xenerosidade e a valentía. A película ensínanos que non nos debemos deixar vencer polos medos que o importante é nunca darnos por vencido para conseguir os nosos soños.

CINENSINO: "Mía y el león blanco"

Hoxe veu a pedagoga do Concello de Fene, Mª José, para presentarnos a primeira proxección da película deste curso do programa de CINENSINO. Titúlase "Mía y el león blanco" e trata da amizade e do coidado e respecto hacia os animais.

Aquí vos deixamos o tráiler oficial da película:

CINENSINO II: LOS FUTBOLÍSIMOS

O xoves pasado, rematamos de ver a segunda película de CINENSINO deste curso: Los futbolísimos. Con esta película, trabállanse valores como o compañerismo e a amizade, a autonomía, a igualdade de xénero (as chicas poden xogar ao fútbol igual que os chicos), a importancia de disfrutar non de gañar,...

Gustounos moitísimo 

CINENSINO: "LA CHICA DORMIDA"

O venres viño a pedagoga do Concello de Fene, Mª José, para presentarnos a primeira proxección da película deste curso do programa de CINENSINO. Titulábase "La chica dormida" e entre outros temas trataba da pubertade e o  acoso. A pesar de que era en inglés e que era subtitulada ao castelán, non nos resultou pesada para nada, ao contrario, gustounos moitísimo.

Aquí vos deixamos un tráiler da película:

   

CINENSINO: WONDER

O pasado luns, vimos Wonder, a terceira e última película do programa Cinensino deste curso,unha película moi boa para concienciar aos nen@ sobre o acoso escolar (bullying). Wonder (dirixida por Stephen Chbosky e protagonizada por Julia Roberts, Jacob Tremblay,  Owen Wilson, Mandy Patinkin e Millie Davis) nárranos a historia de August, un neno de 10 anos que ten unha deformidade na cara que fai que estude na casa e non vaia normalmente ao colexio. Cando chega o momento de asistir, terá que facer novos amigos, que conseguir que os demais nenos o coñezan tal cal é e sobre todo, terá que aprender a levantar a mirada sen o seu casco de astronauta.Unha fermosa película que vos recomendamos a tod@s.

Aquí vos deixamos o trailer oficial da película:

CINE E SAÚDE II

Fonte da imaxe

O venres antes das vacacións, vimos a segunda película do programa Cine e Saúde, que como xa vos contamos é un programa que combina a proxección de películas nos centros co debate e o traballo arredor do seu contido, como fórmula de aprendizaxe de conceptos.

Esta segunda película foi "Hermanos del viento", película austríaca dirixida por Gerardo Olivares e Otmar Penker, que traballa o respecto pola natureza a través da estreita relación que establece o neno protagonista  cun aguia, tendo como contrapunto a súa propia situación familiar.

Aquí vos deixamos o trailer oficial da película:

Ao finalizar as vacacións de Pascua, a partir do martes, empezaremos a traballar o seu contido. Xa vos contaremos.

CINENSINO: "DO REVÉS"

A segunda película que vimos dentro do programa de Cinensino foi "DO REVÉS" de Disney Pixar. Trátase dunha película moi útil para entender como procesa a nosa mente e como nos movemos e percibimos a realidade a través das emocións.

Comenzámola vendo un día en informática, pero por problemas técnicos, tivemos que rematar de vela na clase: 

Serviunos para que o noso alumnado investigase sobre as emocións e compartise experiencias cos seus compañeiros e compañeiras, representando as súas conclusión a través de diversos produtos.

Aquí vos deixamos o tráiler oficial da película:

CINENSINO: "DIOS MÍO QUE TE HEMOS HECHO"

Este ano, os alumnos de quinto e sexto de educación primaria do cole, participamos no programa Cinensino, a través do Concello de Neda e o Concello de Fene.

"Cinensino é un programa de educación en valores para a prevención do consumo de alcol e outros trastornos aditivos e do comportamento no campo escolar a través dos meidos audiovisuais e as TIC.
O propósito deste programa é proporcionar principios, orientacións e ferramentas para o desenvolvemento integral da persoa, implementando actividades dirixidas á práctica de valores e ao desenvolvemento de habilidades sociais dentro da aula, no fogar e no ámbito social, coa finalidade de xenerar unha transformación progresiva nos valores, actitudes e comportamentos do alumnado que actúen como factores de protección fronte aos procesos aditivos".

(Artigo de Galicia Ártabra Dixital)

Trátase de tres unidades didácticas para o curso escolar, unha por trimestre, baseadas e articuladas en función dunha película. Cada unidade componse dun "Manual do profesorado" e dun "Caderno do alumno" para traballar na clase en gran grupo. A diferencia doutros centros, temos a gran sorte que o visionado da película é no propio cole e que ademais podernos quedarnos con ela ata a seguinte sesión.

A primeira película que vimos  foi: "Dios mío, que te hemos hecho" a partir da cal, traballamos distintos valores tanto positivos como negativos: tolerancia, respecto, interculturabilidad, tradición, familia, racismo, prexuizos, ...

Aquí vos deixamos o "trailer" oficial da película: