EN SAMAÍN TOCA... MAXIA!

Dentro das actividades  do programa "Ler conta moito" e tendo en conta que nuns días vai ser o Día das Bibliotecas Escolares, os nenos e nenas de 4º, 5º e 6º de EP do cole, fomos hoxe á Casa da Cultura de Neda para ver o espectáculo "En Samaín toca ... Maxia!" da compañía de Vigo, Magia en la Manga.

Durante preto dunha hora, Óscar sorprendeunos cos seus trucos de maxia: dende cordas de distintos tamaños que acaban iguais, panos de distintas cores, cartas que desaparecían, boliñas que cambiaban de lugar .... e todo iso ambientado de Samaín.

Pasámolo fenomenal!!!!! 

DÍA INTERNACIONAL DA MULLER RURAL

 

Polo Día Internacional da Muller rural, recibimos no cole a visita das concelleiras de Igualdade, Cultura e medio rural do Concello de Neda, que viñeron a entregarnos a cada un de nós, o libro "Xuvia pode ser o que queira".

Este libro que está protagonizado polos Bolechas (do debuxante Pepe Carreiro) trata sobre a igualdade de oportunidades. Nel, os Bolechas chegan a Neda para visitar a unha amiga e grazas a ela descobren moitos lugares do Concello como a Fervenza, a Fábrica Téxtil, o Mirador de Ancos, ... , coñecen os oficios que realizaban as mulleres de Neda hai moitos años e tamén falan do que lle gustaría ser de maior á súa amiga. 

Con isto, queren transmitirnos a mensaxe de que para poder ser o que realmente queremos ser, non importa o noso xénero nin o lugar onde vivimos  senón que o que realmente importa é o noso esforzo.

NOVAS DE MACÍN

 

Este venres recibimos as primeiras noticias de Macín. Xunto cos nosos compañeiros de quinto e sexto de primaria, fomos á biblioteca.

Alí, nun recuncho atopamos as súas caixas. Unha delas, poñía terceiro ciclo de primaria.

Cando a profe Carmen a abriu, atopamos unha carta, uns libros e unhas plantillas.

Na carta, Macín, pedíanos que como xa estamos preto do Samaín, escribísemos cada clase un conto de medo entre todos e que tamén o ilustrásemos.

Antes de voltar a clase, estivemos botándolle unha ollada aos libros que Macín nos recomendaba.

E para lembrar o día, sacamos unha bonita foto de grupo:

CUMPLES DE SETEMBRO

Hoxe celebramos os aniversarios de Abril e de Sabela que estiveron de cumple no mes de setembro.

Moitas felicidades as dúas!!!!!!!!

PRACTICAMOS VOLLEY

 Sabedes que? Hoxe visitounos no cole un xogador do equipo de Voleibol Aldebarán de San Sadurniño, concretamente, Luís Meza.

Fonte da imaxe

Durante toda a sesión de Educación Física, Luís ensinounos distintas tecnicas e formas de coller o balón. Ollade, ollade ...

MOITAS GRAZAS, LUÍS, POLA TÚA VISITA!!!!

OBRADOIRO DE PRIMEIROS AUXILIOS

 

Onte recibimos no cole a visita de Amaya, enfermeira de pediatría do Centro de Saúde de Neda e catro das súas residentes de 1º ano de Enfermaría Familiar e Comunitaria. As cinco viñeron a darnos un pequeno cursiño de primeiros auxilios a nos e aos nosos compañeiros e compañeiras de quinto de primaria.

Durante preto de hora e media, aprendimos e practicamos a posición lateral de seguridade, a RCP (reanimación cardiopulmonar) tanto a adultos como a nenos e lactantes, como utilizar un DESA (desfibrilador semiautomático) e por último e non menos importante, que facer en caso de atragantamento.

Gustounos moitísimo e aprendimos un montón. Esperamos que veñan a vernos moitas máis veces.

MOITAS GRAZAS A TODAS!!!!!

Nesta presentación podedes ver algunhas das fotos que sacamos practicando todo o aprendido.

obradoiro primeiros auxilios.pdf de Ana

Na Galería da páxina web do cole, podedes  todas as fotos de ámbalas dúas clases.

FOTOS OBRADOIRO PRIMEIROS AUXILIOS

PRACTICANDO APROXIMACIONES

Hoxe practicamos as aproximacións dos números de ata 9 cifras, co xogo "O madgato das aproximacións" que atopamos no blogue "Maestros como Superhéroes". O obxectivo do xogo era conseguir cinco aproximacións de cada tipo en función da ficha resposta que tiñamos cada un.

Ainda que non nos deu tempo a acabar, practicamos moito e dun xeito moi divertido.

CREANDO FUTURO

 Unha das actividades que fixemos a principios de curso foi un "Todo sobre mi" en forma de deportiva que descargamos de xeito gratuito da páxina de Twinkl. 

Nela escribimos o noso nome, curso, ano de nacemento, serie favorita ...

A continuación coloreámola e agora todas xuntas decoran a nosa clase xunto cunha frase inspiradora que atopamos no Facebook de Frases inspiradoras oficial:

Gústanvos?

FELIZ INICIO DE CURSO 2024-2025

Moi feliz inicio de curso!!!! Vémonos o 11 de setembro coas pilas ben cargadiñas.

 Fonte da imaxe

FELIZ VERÁN!!!!!!

ÚLTIMA CARTA DE MACÍN

 Cando entramos na clase descubrimos a caixa de Macín. Esta vez foron Lucía Lorenzo e Alba as encargadas de abrila.

Dentro viña unha carta na que Macín nos daba as grazas por axudar na biblioteca nos recreos e como recompensa viña un diploma personalizado para cada un de nós e tamén un agasallo misterioso.

DÍA DO DEPORTE

 

Hoxe grazas ao ANPA disfrutamos no cole do Día do Deporte. Ao longo de toda a mañá practicamos diferentes deportes como atletismo, tenis, pickleball, baloncesto, volleyball, taekwondo, capoeira, tiro ao arco, spikeball e hockey.

Ollade que ben o pasamos:

VISITA DE PAKOLAS

 Sabedes que? Hoxe grazas a ANPA recibimos no cole a visita de Pakolas (Paco Cerdeiras) co seu espectáculo "A Ramona pequena  vai á Lúa".

Que divertido foi!

Aquí vos deixamos un video promocional coa canción: "Coas mans":

EXCURSIÓN A MADRID

 Esta semana tivemos a excursión de fin de curso. Este ano tocou Madrid. 

Durante estes catro día disfrutamos moitísimo facendo arborismo no Club As Encinas, visitando a Warner, Faunia , Parque Europa e o centro de Madrid.

OBRADOIRO DANZA CONTEMPORÁNEA

 

Hoxe, disfrutamos dun obradoiro sobre danza contemporánea que organizou o concello a través da bailarina ferrolá Cristina Montero.

ESTACIÓN 4: A DENSIDADE

 

Para experimentar coa densidade fixemos a botella das densidades. Con moito coidado botamos nunha botella substancias con distintas densidades: mel, deterxente líquido, auga, aceite, alcol.

Primeiro predixemos como críamos que se ían colocar as distintas substancias e despois comprobamos como se colocaron realmente e concluímos por qué.