PRACTICAMOS BALONMÁN

 

Grazas a dúas rapazas do club Balonmano Narón, que visitaron hoxe o noso colexio, descubrimos e aprendimos moitísimas cousas sobre este deporte.

CHARLA: ESPAZOS NATURAIS PROTEXIDOS

Ángel  da asociación CEIDA (Centro de Extensión Universitaria e Divulgación Ambiental de Galicia) veu hoxe ao colexio a darnos unha charla aos nenos de  quinto e sexto de primaria.

Durante preto dunha hora, a través dunha breve presentación e dun xeito moi ameno,  falounos de dous espazos naturais protexidos da provincia de A Coruña como son a Costa de Dexo e a Illa e o Castelo de Santa Cruz. 

Aprendimos o importante que é protexelos, a gran riqueza que posúen, os problemas ambientais que sofren e que podemos facer nós para preservalos.

A semana que vén iremos á Illa e ao Castelo de Santa Cruz para ver en vivo e en directo moitas das cousas que aprendimos hoxe.

ORTOGRAFÍA: A ÁRBORE DAS PALABRAS

Esta árbore coas súas tarxetas de SM axudaranos a practicar ortografía.

En cada lectura aparecerán seis ou sete palabras en vermello. Serán palabras con algunha dificultade ortográfica por exemplo h, b/v, g/j,...

 Copiamos as palabras na libreta poñendo en vermello a dificultade:

A continuación, lanzamos o noso dado:

E dependendo do número que saia saberán que teñen que facer na libreta para non olvidar a súa ortografía:

Idea do dado: La eduteca

UN CURSO CHEO DE BOS PROPÓSITOS

Pack volta ao cole de Proferecursos.com

Xa estamos en sexto! Comezamos o novo curso escolar cunha nova incorporación á nosa clase, a nosa compañeira Mencía.

 

BENVIDA MENCÍA!!!!!

E que mellor forma de comezar o curso que con este agasallo:

Plantilla de @conectate-coa-aula

FELICES VACACIÓNS!!!!!

FESTA FIN DE CURSO

 

O derradeiro día de colexio celebramos unha gran festa con moitos xogos e actividades.

Durante case toda a mañá puidemos desfrutar de xogos populares xigantes, o brilé, tiro ao arco, manualidades ,.... había INCLUSO UN PHOTOCALL!

Pasámolo  fenomenal. Na páxina web do cole podedes ver un montón de fotos dese día:

FESTA FIN DE CURSO

FACEMOS CHAVEIROS CON PLÁSTICO MÁXICO (ENCOLLIBLE)

 Os últimos días de clase fixemos fermosos chaveiros de animais mariños utilizando plástico "máxico". Queredes saber como o fixemos?

Pois ben, primeiro coloreamos o animal que nos tocou con rotuladores

A continuación recortámolos polo borde e fixémoslles un burato cun sacabocados

Por último, metímolos uns cantos segundos no forno e ... maxicamente os nosos animais endureceron e puxéronse moito máis grosos. 

Só tivemos que poñerlles unha cadea e ....

AQUÍ OS TEDES!!!!!

A que son ben fermosos?

MARCHA CICLISTA ESCOLAR

Hoxe algúns de nós xunto con varios compañeiros/as de sexto e tres profes, participamos na Marcha Ciclista Escolar que organiza o Concello de Narón.

Fomos pedaleando ata o paseo de Xuvia e unha vez alí, comimos un bocata, bebimos auga, xogamos e vimos ademais un helicópero da DXT.

Podedes ver as fotos da xornada, na páxina web do cole. Para acceder preme na ligazón:

MARCHA CICLISTA ESCOLAR

3ª PROXECCIÓN DE CINE E SAÚDE

 

A semana pasada visitounos María José para presentarnos a terceira e derradeira película do programa de Cine e Saúde. 

Trátase da película "Mi amigo pony", unha preciosa película para traballar o amor polos animais.

Aquí vos deixamos o tráiler oficial da película:

MÓVETE + : DANCE MONKEY

 

Nos últimos anos, o centro participa no Móvete +, unha proposta que trata de promover a actividade física a través dunha coreografía. Cada clase do cole, ten que preparar unha canción e o seu baile e representala diante do resto do alumnado para que a copien e practiquen exercicio.

A nós tocounos hoxe. Primeiro gravamos a nosa actuación por se chovía e non podíamos facelo fóra no patio:

Pero ao final tivemos sorte e puidemos facelo fóra:

Disfrutamos moitísimo facéndoo e ao mesmo tempo fixemos exercicio. Que máis se pode pedir?

EXCURSIÓN Á CAPELA

 O venres, os nenos e nenas de terceiro, cuarto, quinto e sexto de educación primaria, fomos de excursión A Capela.

Primeiro visitamos o Museo Etnográfico e vimos como era unha casa antiga e as cousas ás que se adicaban os nosos avós e  bisavós.

E despois o Muíño do Pouso.

 Incluso puidemos ver como se moía o millo! 

Podedes ver todas as fotos da xornada na galería da páxina web do cole ou premendo no enlace de abaixo:

EXCURSIÓN Á CAPELA

2ª PROXECCIÓN DE CINE E SAÚDE

 

Se onte tivemos a visita de Sara para facer a terceira e última charla do Plan Director, hoxe veu a visitarnos Mª José, pedagoga do Concello de Fene para presentarnos a segunda proxección deste trimestre: "O mellor verán da miña vida", unha película que resalta os valores da familia e os amigos.

Aquí vos deixamos o tráiler oficial da mesma:

3ª CHARLA PLAN DIRECTOR: NOVAS TECNOLOXÍAS

Onte tivemos a terceira e última das tres charlas pertencentes ao "Plan director para a convivencia e a mellora da seguridade nos centros educativos e nos seus contornos". Durante unha sesión, Sara falounos dos beneficios de Internet pero tamén dos seus perigos.

Quedounos moi clariño, que en Internet temos que comportarnos igual que na nosa vida diaria, evitando as situacións de perigo e non abusando do seu uso. 

Vimos dous videos, un de Pantallas Amigas:

co que aprendimos que non debemos entrar en páxinas non axeitadas á nosa idade, nin aceptar a persoas descoñecidas nas nosas redes sociais e moito menos deixar que a cámara nos grabe con pouca ou ningunha roupa. Nunca sabemos quen pode estar ao outro lado da pantalla e antes de subir unha foto debemos facernos unha serie de preguntas como: dame vergoña que a vexa a miña familia? os meus amigos? os meus mestres e mestras? Unha vez que subimos unha foto a Internet ainda que a suprimamos ao pouco tempo xa nunca desaparecerá da rede.

E tamén vimos  este que falaba dos riscos de facer algúns dos retos que propón a popular rede Tic Toc cos que xa morreron alomenos cinco persoas:

LETRAS GALEGAS 2022

Este ano o día das Letras Galegas adícase ao autor Florencio Delgado. Nas clases estivemos a aprender cousiñas sobre a súa biografía utilizando unha vez máis os recursos que pon á nosa disposición o Seminario Galán

e a Primavera das Letras.

Ademais, cada neno e nena do colexio escribimos nun pequeno papel a nosa palabra favorita en galego. Estas son as que escribimos nós:

E con todas elas fixemos o mural das nosas palabras favoritas en galego:

Pero iso non foi todo. Ademais decoramos unha prenda de vestir e nela escribimos o título dun poema, unha estrofa, ...  Nós decidimos escribir nas nosas prendas estrofas de distintos poemas de Florencio Delgado:

E a continuación metímolas dentro da "lavadora":

EXCURSIÓN A MADRID

 

A semana pasada, os nenos e nenas de quinto e sexto de primaria, acompañados do profe Felipe e da profe Mónica, en lugar da profe Ana que non poido ir porque colleu o COVID, fomos de excursión de final de curso  a Madrid.

Foron catro días fantásticos no que disfrutamos de actividades de arborismo no Guadarrama, o musical O Rei Leon, o Parque Europa, por suposto a Warner e unha estupenda visita por Segovia.

Están todas as fotos da viaxe na galería da páxina web do  cole e tamén podedes premendo na imaxe de abaixo: